ગાંધીનગર / ખેડૂતોને લઇ કૃષિમંત્રી કરશે મોટું એલાન, પાક નુકસાની સંદર્ભે કરશે આટલા કરોડનું પેકેજ કરશે જાહેર

રાજ્યનાં ખેડૂતો માટે કૃષિ મંત્રી આજે વિધાનસભા ગૃહમાં મહત્વની જાહેરાત કરવાનાં છે. કૃષિમંત્રી રાઘવજી પટેલે પાક નુકશાની સંદર્ભે પેકેજની જાહેરાત કરશે. તેમજ સૌરાષ્ટ્ર અને દક્ષિણ ગુજરાતનાં જીલ્લાઓનો સમાવેશ કરવામાં આવ્યો છે. કૃષિમંત્રી રાઘવજી પટેલે 350 કરોડનાં પેકેજની જાહેરાત કરશે. વિધાનસભાનાં નિયમ 44 અંતર્ગત ગૃહમાં આજે રાઘવજી પટેલ પેકેજની જાહેરાત કરશે.

ધારાસભ્યનાં પ્રશ્નનાં જવાબમાં કૃષિ મંત્રીએ શું કહ્યું

આ બાબતે ધારાસભ્ય અર્જુન મોઢવાડિયાએ જણાવ્યું હતું કે, સૌરાષ્ટ્રનાં પોરબંદર, દેવભૂમિ દ્વારકા અને જૂનાગઢના 16 તાલુકામાં અને ખાસ કરીને ઘેડ વિસ્તારમાં અતિ ભારે વરસાદ થવાથી ખેડૂતોને પાક નુકશાન સામે રાજ્ય સરકાર દ્વારા SDRF નાં ધોરણો મુજબ ખેડૂતોને સહાય અંગે પ્રશ્ન કર્યો હતો.

વધુ વાંચોઃ આજે વિધાનસભાના ચોમાસું સત્રનો અંતિમ દિવસ, ડ્રગ્સ સહિતના મુદ્દાઓ પર કરાશે ચર્ચા

સર્વેની કામગીરી પૂર્ણતાને આરેઃ કૃષિ મંત્રી

જે બાબતે કૃષિ મંત્રી રાઘવજી પટેલે જણાવ્યું હતું કે, જૂનાગઢ, પોરબંદર અને દેવભૂમિ દ્વારકા જીલ્લામાં વરસાદથી ભારે નુકશાન થયું હતું. જ્યાં તાત્કાલિક સર્વે શરૂ કરી દેવામાં આવ્યો છે. તેમજ સર્વેની કામગીરી ટૂંક સમયમાં પૂર્ણ થવાની તૈયારી છે. સર્વે બાદ જે ખેડૂતને 33 ટકાથી વધારે નુકશાન થયું હશે તે તમામ ખેડૂતોને SDRF ના ધારા-ધોરણ મુજબ રૂા. 8500 ની સહાય બે હેક્ટરની મર્યાદામાં ચૂકવવામાં આવશે. તેમજ જણાવ્યું હતું.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ