- અભ્યાસ બાદ શરૂ કરી ચાની કીટલી
- B.Com ચાયવાલા તરીકે મેળવી સફળતા
- ખાનગી નોકરી છોડીને શરૂ કરી ચાની કીટલી
કઠોર પરિશ્રમ અને મુકામ સુધી પહોંચવાની ઈચ્છા શક્તિ હોઈ તો કાળા માથાનો માનવી ગમે ત્યાં પહોંચી શકે છે અને આ વાત ને ઉજાગર કરવા ભાવનગરના તેજસ મિસ્ત્રીએ B.Com નો અભ્યાસ પૂર્ણ કરી ને માત્ર સરકારી નોકરી ની આશા એ ઘરે બેસી રહેવાના બદલે B.Com ચા વાળાના નામે પોતાની ચા ની કીટલી શરૂ કરી છે અને તેમાંથી તે રોજગારી મેળવી રહ્યો છે એટલું જ નહીં તેમનું કેહવું છે કે પિતા ઉપર બોજ બનાવના બદલે તે પોતાના પગ ઉપર જ ઉભો રહેવા માંગે છે.
જો દેશના વડાપ્રધાન ચા વહેંચી ને આગળ વધ્યા છે તો હું પણ કેમ આગળ ના વધી શકુંઃતેજસ મિસ્ત્રી
મન હોઈ તો માળવે જવાય આ વાત ને સાર્થક કરી રહ્યો છે ભાવનગરનાં તેજસે. તેજસ મિસ્ત્રી સામાન્ય પરિવારનો છે. તેના પિતા મિસ્ત્રીનું મજૂરી કામ કરી રહ્યાં છે. અને તેજસને અભ્યાસ પૂર્ણ કર્યા બાદ ગમે તેવી ખાનગી નોકરીમાં સામાન્ય પગારમાં જોડ઼વાના બદલે પોતાના પગ ઉપર ઉભા રહેવાનું પસંદ કર્યું. તેજસે અભ્યાસ પૂર્ણ કરીને બે ખાનગી દુકાનોમાં નોકરી કરી હતી. પરંતુ ત્યાં તેનું મન નહીં મળતા આખરે સરકરી પરીક્ષાઓ આપવાનું શરૂ કર્યું. જો કે તેજસે અનેક સ્પર્ધાત્મક પરીક્ષા આપી છે. પરંતુ તેમાં તેને હજુ સફળતા મળી નથી. ત્યારે હવે તેને ચા ની કીટલી શરૂ કરી છે. આ ઉપરાંત તેજસ તેના માતાના સહયોગથી દરરોજ સવારે જામનગરી ઘૂઘરા બનાવીને પણ ઘરે થી લાવે છે. તેનું પણ તે વેચાણ કરી રહ્યો છે. તેજસનું કહેવું છે કે જો દેશના વડાપ્રધાન ચા વહેંચી ને આગળ વધ્યા છે તો હું પણ કેમ આગળ ના વધી શકું મને આ કામ કરવામાં કોઈ નાનપ લાગતી નથી.
ટી સ્ટોલનું નામ B.Com ચા વાળા રાખ્યું છે
આમતો સામાન્ય રીતે આજની પેઢીના યુવકો અભ્યાસ કરીને સરકારી નોકરી માટે તલપાપડ થતા હોઈ છે. પરંતુ દરેકને સરકરી નોકરી મળવાની નથી. તે વાતને લઇને તેજસે ચા ની કીટલી શરૂ કરવાનો નિર્ણય કર્યો છે. તેજસ દરરોજ સવારે વિધ્યાનગર વિસ્તારમાં પોતાની ચા ની કીટલી ધરાવે છે. અહીં તેમને આ ટી સ્ટોલનું નામ B.Com ચા વાળા રાખ્યું છે. તેનું કારણ એ છે કે લોકોને ખબર પડે કે B.Com કરનારા માણસને નોકરી નહીં મળતા ચા ની કીટલી પણ સારું કરી શકે છે. અહીં ચા પીવા આવતા લોકો પણ તેજસ આ વ્યવસાયમાં આગળ વધશે તેમ જાણાવી રહ્યાં છે.
માણસ પોતાના જીવનમાં આપમેળેઆગળ વધે તો તેમને કામ કર્યાનો સંતોષ પણ થાય છે. અને હિંમત હાર્યા વગર કોઈ પણ કામ શરમ કે સંકોચ વગર કરી શકે છે. તેનું ઉદાહરણ આ B.Com પાસ થયેલો તેજસ છે તેમ કહી શકાય.
