ખેડૂતોને રાહત! / ગુજરાત પરથી કમોસમી માવઠાનું સંકટ દૂર! વાવાઝોડા 'મિચોંગ'ને લઇ હવામાન વિભાગની મોટી આગાહી

• હવામાન વિભાગની રાહત આપતી આગાહી
• 'આગામી 5થી 7 દિવસ વાતાવરણ સાફ રહેશે'
• 'મહીસાગર અને પંચમહાલમાં વાદળછાયું વાતાવરણ રહેશે'

રાજ્યની જનતાને રાહત આપતી હવામાન વિભાગની આગાહી સામે આવી છે. હવામાન વિભાગની આગાહી મુજબ ગુજરાત પરથી કમોસમી વરસાદનું સંકટ દૂર થશે. હવે કમોસમી વરસાદની શક્યતા નથી. મિચૌંગ વાવાઝોડાની અસર ગુજરાતમાં નહીં રહે

વાતાવરણ સાફ રહેશે
હવામાન વિભાગે આગાહી કરતા જણાવ્યું છે કે, આગામી 5થી 7 દિવસ વાતાવરણ સાફ રહેશે તેમજ દાહોદ, મહીસાગર અને પંચમહાલમાં વાદળછાયું વાતાવરણ રહેશે. વધુમાં જણાવ્યું કે, ગુજરાત પર મિચૌંગ વાવાઝોડાની અસર નહી વર્તાય. 

નલિયામાં સૌથી ઓછું તાપમાન
હવામાન વિભાગે જણાવ્યું કે, 10 ડિગ્રી સાથે નલિયામાં સૌથી ઓછું તાપમાન નોંધાયું છે. ઠંડીના પ્રમાણમાં પણ ખાસ વધારો નહીં જોવા મળે તેમજ તાપમાનમાં એક-બે ડિગ્રીનો ફેરફાર થઇ શકે છે. નલિયામાં 10,04 ડિગ્રી તાપમાન નોંધાયું છે. આવનારા દિવસોમાં ડ્રાય અને ઠંડુ વાતાવરણ જોવા મળશે. પવનની દિશા ઉતર પૂર્વીય રહેવાની સંભાવના છે.