સુરત / આકાશી આફત.!, હવામાં ફંગોળાયેલી પાણીની ટાંકી અચાનક પડી યુવકના માથે, માંડ માંડ બચ્યો

• ભેસ્તાન વિસ્તારમાં પાણીની ટાંકી પડી
• ભારે પવનના કારણે યુવક પર પડી ટાંકી
• ટાંકી પડવાની ઘટના CCTVમાં કેદ

બિપોરજોય વાવાઝોડાના કારણે હજુ પણ અનેક વિસ્તારોમાં અસર વર્તાઈ રહી છે, જેના કારણે અનેક વિસ્તારોમાં નાનો મોટો નુકસાન થયું છે. વહીવટી તંત્રની સતર્કતાને લઈ જાન માલમાં મોટું નુકસાન થયું નથી પરંતું અનેક વૃક્ષો તેમજ વીજપોલ ધરાશાયી થયા છે. કેટલીક જગ્યાએ પતરા અને સેડ પણ ઉડ્યા છે. આ વાવાઝોડાની અસર સુરતના ભેસ્તાન વિસ્તારમાં પણ જોવા મળી હતી. જ્યાનો એક વીડિયો જોરદાર વાયરલ થયો છે.

Surat News: હવામાં ફંગોળાયેલી પાણીની ટાંકી અચાનક પડી યુવકના માથે, માંડ માંડ બચ્યો
#gujarat #surat #cctv #vtvgujarati pic.twitter.com/xPohJbJhHq

— VTV Gujarati News and Beyond (@VtvGujarati) June 17, 2023

એક રમકડાની જેમ પાણીની ટાંકી હવામાં ઉડી
સુરતના ભેસ્તાન વિસ્તારનો એક વીડિયો વાયરલ થયો છે. જેમાં જોઈ શકાય છે કે, એક રમકડાની જેમ પાણીની ટાંકી હવામાં ઉડી હતી. ભારે પવનના કારણે ઉડેલી ટાંકી અચાનક યુવકના માથે પડી હતી. ભેસ્તાન આવાસની પાણીની પ્લાસ્ટિકની ટાંકી યુવક પર પડી હતી અને તે ટાંકી યુવક પર પડવાથી તે ઈજાગ્રસ્ત થયો હતો. જે વીડિયો આપણા શ્વાસ અધ્ધર કરી દે તેવો છે. આ ટાંકી પડવાની ઘટના CCTVમાં કેદ થઈ છે.

પાણીની ટાંકી ફંગોળાઈ
આ ઘટના સમય આસપાસ લોકો બેઠેલા હતા અને જે વ્યક્તિ રસ્તા પર પસાર થઈ રહ્યો હતો. આ દરમિયાન જ એકાએક આવાસ ઉપરથી આકાશી આફતની જેમ પવનને કારણે પાણીની ટાંકી ફંગોળાઈને સીધી જ નીચે યુવકના માથે પડી હતી.