- અમદાવાદના માંડલ બાદ પાટણના રાધનપુરમાં અંધાપાકાંડ
- સર્વોદય આંખની હોસ્પિટલ ગંભીર બેદરકારી આવી સામે
- 13 દર્દીના ઓપરેશન બાદ 5 દર્દીની દ્રષ્ટિમાં આવી ખામી
રાજ્યમાં વધુ એક આંખની હોસ્પિલની ગંભીર બેદરકારીનો આંધાપાકાંડ સામે આવ્યો છે. અમદાવાદના માંડલ બાદ પાટણના રાધનપુરની સર્વોદય આંખની હોસ્પિટલ ગંભીર બેદરકારી પ્રકાશમાં આવી છે. જેમાં 13 દર્દીના ઓપરેશન બાદ 5 દર્દીની દ્રષ્ટિમાં ગંભીર ખામી સર્જાઈ છે.
2 મહિલા અને 3 પુરુષને આંખમાં ચેપ લાગ્યો
પાટણના રાધનપુરની સર્વોદય આંખની હોસ્પિટલમાં ઓપરેશન કરાવ્યા બાદ અંધાપાનો કિસ્સો સામે આવ્યો છે. જેમાં 2 મહિલા અને 3 પુરુષને આંખમાં ચેપ લાગ્યો છે. મોતિયાના ઓપરેશન બાદ દર્દીને અંધાપો આવ્યો છે. જે બાદ દર્દીઓને અમદાવાદ ખાતે અસારવા આંખની હોસ્પિટલમાં ખસેડવામાં આવ્યો છે. ગઈકાલે ગાંધીનગર અને અસારવા આંખની હોસ્પિટલની ટીમ રાધનપુર ખાતે તપાસમાં પણ ગઈ હતી.
મોતિયાના ઓપરેશન બાદ તકલીફ
જે તપાસમાં 5 દર્દીઓને આંખમાં તકલીફ હોવાનુ સામે આવ્ય હતુ. અત્રે જણાવીએ કે, 2 ફેબ્રુઆરીના રોજ મોતિયાના ઓપરેશન કરવામાં આવ્યા હતા. જેમાં 45 વર્ષ અને 65 વર્ષીય રાધનપુરની મહિલાને દ્રષ્ટિમાં ખામી સર્જાઈ છે. 78 વર્ષના સાંતલપુરના પુરુષ, 70 વર્ષના રાધનપુરના પુરુષ અને 65 વર્ષીય કાંકરેજના પુરુષને આંખમાં તકલીફ થઈ છે.
વાંચવા જેવું: આવતી કાલથી ફરી રાજ્યમાં ઠંડીનો ચમકારો શરૂ, તાપમાનમાં થશે 3 ડિગ્રીનો ઘટાડો
સળગતા સવાલ
શું હોસ્પિટલ તંત્રને દર્દીની દ્રષ્ટિની નથી પરવાહ ?
આંખના ઓપરેશનમાં કેમ આવી બેદરકારી ?
વારંવાર અંધાપાકાંડ બાદ તંત્રની આંખો નથી ઉઘડતી ?
અંધાપાકાંડ માટે કોણ જવાબદાર ?
તંત્ર અંધાપાકાંડમાં કેમ કરે છે આંખ આડા કાન ?
અમરેલી, માંડલ બાદ રાધનપુરમાં અંધાપાકાંડ ?
રાજ્યમાં ક્યારે થશે અંધાપાકાંડ બંધ ?
