કટ્ટરતા કે બીજું કંઈ? / પાક.ના કરાંચીમાં 150 વર્ષ જુના હિંદુ મંદિર પર બુલડોઝર ફેરવી દેવાયું, દોષ ઢાંકતું આપ્યું કારણ

• પાકિસ્તાનના કરાચીમાં આવેલા 150 વર્ષ જૂના હિન્દુ મંદિરને જમીનદોસ્ત કરાયું
• સિંધ પ્રાંતની સરકાર દ્વારા લેવાયો નિર્ણય
• મંદિરનું બાંધકામ જૂનું અને જોખમી હોવાનું કારણ

પાકિસ્તાનના કરાચીમાં આવેલા 150 વર્ષ જૂના હિન્દુ મંદિરને જમીનદોસ્ત કરવામાં આવ્યુ છે. મંદિરનું બાંધકામ જૂનું અને જોખમી હોવાનું કારણ આગળ ધરી અને સિંધ પ્રાંતની સરકાર દ્વારા આ નિર્ણય લેવામાં આવ્યો છે  જેને લઇને હિંદુ સમાજ આઘાતમાં સરી પડી ગયો છે. મહત્વનું છે કે કરાંચીના સોલ્જર બજારમાં આ મારી માતાના મંદિરને શુક્રવારે ચાંપતા પોલીસ બંદોબસ્ત સાથે બુલડોઝર વડે તોડી પાડવામાં આવ્યું હતું. જેને લઈને મંદિરના રામનાથ મિશ્ર મહારાજે નારાજગી વ્યક્ત કરી છે અને અગાઉ કોઈપણ પ્રકારની જાણ વગર તોડી પાડવામાં આવ્યું હોવાનો દાવો કર્યો હતો.

Islamic Republic of Pakistan has demolished historic Mari Mata Hindu temple of Karachi in midnight pic.twitter.com/yuG7hajvkB

— World Hindu Council (@WldHinduCouncil) July 15, 2023

લગભગ 150 વર્ષ જૂનું મંદિર હોવાનો મિશ્રાએ દાવો કર્યો
મારી માતાના મંદિર પાસે પંચમુખી હનુમાન મંદિર પણ આવેલું છે ત્યારે મિશ્ર એ જણાવ્યું કે બુલડોઝર દ્વારા મંદિરના બહારના ભાગ અને મુખ્ય દરવાજાને અકબંધ રાખવામાં આવ્યો છે જ્યારે અંદરનું આખું માળખું તોડી પાડવામાં આવ્યું છે. લગભગ 150 વર્ષ જૂનું મંદિર હોવાનું મિશ્રાએ દાવો કર્યો છે. ભુમાફિયાઓ અને બિલ્ડર સહિતના લોકોનો ડોળો આ જમીન પર પડ્યો હોવાનું જાણવા મળી રહ્યું છે.

અહીં કોમર્શિયલ બિલ્ડીંગ બનાવવામાં આવશે
પોલીસે દાવો કર્યો કે મંદિર પરિસરમાં જોખમી હોવાનું અધિકારીઓએ જાહેર કર્યું હતું. આ મંદિરની દેખભાળ કરાચીના મદ્રાસી હિન્દુ સમુદાય દ્વારા કરવામાં આવતી હતી અને તેઓ પણ મંદિરનું બાંધકામ ખૂબ જૂનું હોવાનું સ્વીકર્યું છે. હાલની સ્થિતિએ મંદિરમાં દેવી-દેવતાઓની પ્રતિમાને એક રૂમમાં રાખવામાં આવ્યા છે. મંદિરનું નવું નિર્માણ નહીં થાય ત્યાં સુધી ત્યાં જ રાખવામાં આવશે. એવો આરોપ લાગી રહ્યો છે કે મંદિર બિલ્ડરને આપી દેવામાં આવી છે. હવે અહીં કોમર્શિયલ બિલ્ડીંગ બનાવવામાં આવશે!