મહીસાગર / લુણાવાડા બક્ષીપંચ છાત્રાલયમાં ફૂડ પોઈઝનિંગનો ભડકો, 6 વિદ્યાર્થીઓને ઝાડા-ઉલટી, તંત્ર દોડતું થયું

મહીસાગર: લુણાવાડા શહેરમાં આવેલા બક્ષીપંચ છાત્રાલયમાં રહેતા 6 બાળકોને ફૂડ પોઇઝનિંગની અસર થતાં ચકચાર મચી છે. બાળકોને અચાનક ઝાડા-ઉલ્ટીની તકલીફ શરૂ થતાં સારવાર માટે હોસ્પિટલ ખસેડવામાં આવ્યા હતા.

બાળકોની તબીયત લથડતા સારવાર અર્થે ખસેડાયા

પ્રાથમિક માહિતી મુજબ, છાત્રાલયમાં ભોજન લીધા બાદ કેટલાક બાળકોની તબિયત લથડતાં તેમને ઝાડા અને ઉલ્ટી શરૂ થઈ હતી. સ્થિતિને ધ્યાનમાં રાખીને તમામ અસરગ્રસ્ત બાળકોને તાત્કાલિક સારવાર માટે ખસેડવામાં આવ્યા હતા.

ભોજનની ગુણવત્તા અને સ્વચ્છતાને લઈને સવાલો

ઘટના બાદ છાત્રાલયમાં આપવામાં આવતા ભોજનની ગુણવત્તા અને સ્વચ્છતાને લઈને સવાલો ઉભા થયા છે. બાળકોના સ્વાસ્થ્યને ધ્યાનમાં રાખીને છાત્રાલયના ભોજનની તપાસ કરવામાં આવે તેવી માંગ ઉઠી છે.

આ પણ વાંચોઃ નેપાળી મહિલાઓની ગેંગ ઝડપાઈ, ઘરકામ માટે રાખતા પહેલાં ચેતી જજો, આવી રીતે કરતી ચોરી

સ્થાનિક સ્તરે આરોગ્ય વિભાગની ટીમ દ્વારા છાત્રાલયની મુલાકાત લઈ ભોજનના નમૂના તપાસવામાં આવે અને ફૂડ પોઇઝનિંગનું ચોક્કસ કારણ શોધી જરૂરી કાર્યવાહી કરવામાં આવે તેવી માંગ કરવામાં આવી રહી છે. આ ઘટનાને પગલે છાત્રાલયમાં રહેતા અન્ય બાળકોના સ્વાસ્થ્ય અંગે પણ તકેદારી રાખવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ