ક્રાઈમ / સુરતના મોગલધામ મંદિરમાં શખ્સના ખિસ્સામાંથી 50,000ની ચોરી, એક્ટિવા ટકરાવીને નોટોનું બંડલ સેરવી લીધું

સુરતના પીપોદરામાં એક વેપારી પાસેથી 50 હજારની ચોરી થઈ હતી. સુરતના કરિયાણા વેપારી દિનેશ પટોલિયા પીપોદરા મોગલધામ મંદિરે દર્શન કરવા ગયા હતા. ત્યાં તેમના ખિસ્સામાંથી ₹50 હજાર રોકડા ચોરાયા. આ ઘટના બાદ ફરીયાદી વેપારીની ફરીયાદને આધારે પાલોદ પોલીસે CCTV ફૂટેજના આધારે તપાસ શરૂ કરી છે.

એક્ટિવા અથડાવીને ધ્યાન ભટકાવ્યું

ત્રણ ઈસમોએ ચાલાકી વાપરી ચોરીની ઘટનાને અંજામ આપ્યો હતો. એક વ્યક્તિએ જાણીજોઈને એક્ટિવા અથડાવીને ધ્યાન ભટકાવ્યું હતું. એ દરમિયાન પાછળથી આવેલા અન્ય એક વ્યક્તિએ તેમના ખિસ્સામાંથી રોકડનું બંડલ કાઢી લીધું હતું. તેમના ખિસ્સામાં 50,000નું બંડલ હતું.

વધુ વાંચો : સોશિયલ મીડિયા પર ચલણી નોટોનું બંડલ દેખાડ્યું, બાળકનું અપહરણ કરીને હત્યા કરી, 50 લાખની ખંડણી માંગી

CCTV ફૂટેજમાં એક્ટિવા ચાલક દેખાયા

પોલીસના જણાવ્યા મુજબ, CCTV ફૂટેજમાં એક્ટિવા ચાલક પણ આ ઘટનામાં સામેલ હોવાનું દેખાય છે. દિનેશભાઈને રોકડ ગાયબ હોવાનું જણાતા તેમણે પાલોદ પોલીસને જાણ કરી હતી. પોલીસે ઘટનાસ્થળ અને આસપાસના વિસ્તારનાં CCTV ફૂટેજ મેળવ્યાં છે. એક્ટિવા ચાલક સહિત ત્રણ શંકાસ્પદ લોકોને શોધવા તપાસ ચાલી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ