અરેરાટી / સુરતમાં 5, નાલંદામાં 9 તો મહેસાણામાં 2નાં મોત, જ્યારે મંગળ બન્યો 'અમંગળ'!

સુરત શહેરના લિંબાયત વિસ્તારમાં મકાનમાં આગ લાગતા 5 લોકો જીવતા ભડથું થઈ ગયા હતા. આ ઘટનામાં 4 મહિલાઓ અને એક બાળકનું મોત નીપજ્યું છે. મીઠી ખાડી વિસ્તારના બેઠી કોલોનીમાં આવેલા મકાનમાં અચાનક આગ લાગી હતી. મકાનમાં સાડીના પેકેજિંગનું કામ ચાલતું હતું. અહીં પેકેજિંગ માટે વપરાતા ફોર્મને કારણે આ આગ વધુ વિકરાળ બની હતી.

મંદિરમાં ભાગદોડ થતાં 9 લોકોના મૃત્યુ નીપજ્યા

આ ઉપરાંત બિહારના નાલંદામાં પણ મંદિરમાં ભાગદોડ થતાં 9 લોકોના મૃત્યુ નીપજ્યા.અહીં મઘડામાં શીતળાષ્ટમીના પર્વને લઇને મંદિરમાં લોકો ઉમટ્યા હતા, આ દરમિયાન અચાનક ભાગદોડ મચી ગઈ હતી અને અફરાતફરી સર્જાઈ હતી. જે બાદ પોલીસે પરિસ્થિતિ પર કાબૂ મેળવ્યો હતો.

આ પણ વાંચોઃ 8 મહિના બાદ ફરીથી ખુલ્લો મુકાશે વડોદરાનો ગંભીરા બ્રિજ

પદયાત્રીઓને બેફામ ટ્રક ચાલકે અડફેટે લીધા

તેમજ મહેસાણામાં પગપાળા સંઘના 8 પદયાત્રીઓને બેફામ ટ્રક ચાલકે અડફેટે લેતા 8માંથી 2 પદયાત્રીઓના ઘટનાસ્થળે જ મોત નીપજ્યા. જ્યારે અન્ય 6 પદયાત્રીઓ ઈજાગ્રસ્ત થયા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ