બિઝનેસ / એ 4 કારણ, જેના કારણે ડૉલરના મુકાબલે રૂપિયો થયો ધડામ

શુક્રવારે રૂપિયો 24 પૈસા ઘટીને 90.56 ની નવી રેકોર્ડ લો લેવલે પહોંચ્યો છે. ભારત-અમેરિકા વેપાર સોદા અંગે અનિશ્ચિતતા આ સિવાય વિદેશી રોકાણના પ્રવાહમાં સતત વધારો થવાથી રોકાણકારોના ભાવનામાં ઘટાડો થયો છે. સોનાના ભાવમાં વધારા વચ્ચે આયાતકારો દ્વારા મોટા પ્રમાણમાં ડોલર ખરીદીને કારણે રૂપિયો નીચે જઈ રહ્યો છે. ફોરેન કરન્સી ટ્રેડરમાં રૂપિયો યુએસ ડોલર સામે 90.43 પર ખુલ્યો હતો પછી ઘટીને 90.56 પર પહોંચ્યો હતો જે તેના પાછલા બંધ કરતા 24 પૈસા ઘટ્યો હતો. ગુરુવારે રૂપિયો 38 પૈસા ઘટીને ડોલર સામે 90.32 ના લો લેવલે બંધ થયો હતો.

રૂપિયાના રેટ પર RBI ની કાર્યવાહી પર નજીકથી નજર રાખવી પણ જરૂરી છે. આજે ભારતીય અને યુએસ પ્રતિનિધિમંડળ વચ્ચેની વાટાઘાટોનો છેલ્લો દિવસ પણ છે અને એવી આશા રખાઈ રહી છે ત્યાર બાદ કોઈ કરારની જાહેરાત કરવામાં આવશે. એવું પણ કહેવામાં આવી રહ્યું છે કે રશિયાના તેલની ખરીદી પર ભારત પર લગાવવામાં આવેલા 25% વધારાનો ટેરિફ હટાવી શકાય છે.

આ દરમિયાન ડોલર ઇન્ડેક્સ જે 6 મુદ્રાઓના બાસ્કેટ સામે ડોલરની મજબૂતી માપનાર ડોલર સુચાંક તે 0.02% વધીને 98.37 પર ટ્રેડ કરી રહ્યો હતો. વૈશ્વિક તેલ બેન્ચમાર્ક બ્રેન્ટ ક્રૂડ ફ્યુચર્સ 0.67% વધીને 61.69 ડોલર પ્રતિ બેરલ પર ટ્રેડ કરી રહ્યો હતો. લોકલ શેરબજારમાં 30-શેર બેન્ચમાર્ક સેન્સેક્સ 170.40 પોઈન્ટ વધીને 84,988.53 પર અને નિફ્ટી 98.40 પોઈન્ટ વધીને 25,996.95 પર ટ્રેડ કરી રહ્યો હતો.ગુરુવારે વિદેશી સંસ્થાકીય રોકાણકારોએ 2,020.94 કરોડ રૂપિયાના શેર વેચ્યા હતા.

રૂપિયાના ઘટાડા માટેના ચાર કારણો

• ભારત-યુએસ વેપારમાં અનિશ્ચિતતા
  રૂપિયા પર ભાર મૂકતા સૌથી મોટા પરિબળોમાંનું એક ભારત-યુએસ વેપાર સોદાની અનિશ્ચિતતા છે. આ બંને દેશો વચ્ચે બે દિવસની વાટાઘાટો પૂરી થવા આવી રહી છે ત્યારે વેપાર સોદા માટે કોઈ ચોક્કસ સમયમર્યાદાના અભાવે રૂપિયો ઘટી રહ્યો છે. વિશ્લેષકોએ ચેતવણી આપી છે કે, વેપાર કરારમાં મોડું ભારતીય ચલણને વધુ નબળું કરી શકે છે અને તેને ડોલર સામે 91 ના લેવલને પાર કરી શકે છે.
  
• ડોલરની સતત ખરીદી
  ડોલરની મજબૂતાઈ અને ડોલર ખરીદીએ રૂપિયાને દબાણમાં લાવ્યો છે. HDFC એક્સપર્ટ અનુસાર, રૂપિયામાં ઘટાડો મુખ્યત્વે આયાતકારો દ્વારા  ડોલર ખરીદીને કારણે છે. સોનાના વધતા વૈશ્વિક ભાવને કારણે સોનાના આયાતકારો ડોલર માટે ઉતાવળ કરી રહ્યા છે જેના કારણે રૂપિયો દબાણમાં છે.
  

• RBIનો મર્યાદિત હસ્તક્ષેપ
  ફોરેન કરન્સીનું કહેવું છે કે, RBIએ મોટું નુકસાન અટકાવવા માટે ગઈકાલે હસ્તક્ષેપ કર્યો હશે. વિદેશી પોર્ટફોલિયો રોકાણકારોએ છેલ્લા પાંચ ટ્રેડિંગ સત્રોમાં 6,576 કરોડ રૂપિયાના બોન્ડ વેચ્યા છે. ડિસેમ્બરમાં અત્યાર સુધીમાં, ઇક્વિટીમાંથી 1.6 બિલિયન ડોલર ઉપડ્યા છે. પરંતુ  RBIનો હસ્તક્ષેપ વોલ્યુમ અને મર્યાદિત રહ્યો છે.
  
• વિદેશી રોકાણકારોનું નફો
  11 ડિસેમ્બરના NSE ના ડેટા મુજબ, વિદેશી સંસ્થાકીય રોકાણકારો (FII) એ 2,020.94 કરોડ રૂપિયાના શેર વેચ્યા હતા. આ દરમિયાન ડોમેસ્ટિક ઇન્સ્ટીટ્યુશનલ ઇન્વેસ્ટર(DII)એ 3,796.07 કરોડ રૂપિયાના શેર ખરીદ્યા હતા. વિદેશી રોકાણકારોના સતત બહાર નીકળવાના કારણે રૂપિયો કમજોર પડી રહ્યો છે.
  

વધુ વાંચો : વગર પરમિશન સોશિ. મીડિયામાં ઇન્વેસ્ટનું જ્ઞાન વહેંચનારા ચેતી જજો! NSEએ કર્યા એલર્ટ

• ડિસેમ્બરમાં ઘટાડો
  ડિસેમ્બરમાં ડોલર સામે રૂપિયામાં પહેલેથી જ ઘટાડો જોવા મળ્યો છે.  ગયા મહિનાના છેલ્લા ટ્રેડિંગ દિવસે રૂપિયામાં એક ડોલરનું મૂલ્ય 89.45 રૂપિયા હતું, અને 12 ડિસેમ્બરે તે 90.56 રૂપિયાની ઐતિહાસિક નીલી સપાટીએ પહોંચ્યું હતું.
  

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ