મોટા સમાચાર / રાજેન્દ્ર ત્રિવેદી, રાઘવજી, રૈયાણી સહીત ભાજપના 32 દાવેદારો ટિકિટની દોડમાંથી બહાર : સૂત્રો

• ભાજપના ઉમેદવારોના નામ જાહેર થાય તે પહેલા મહત્વના સમાચાર
• 32 દાવેદારોની ટિકિટ કપાઇ શકે 
• રાજેન્દ્ર ત્રિવેદી, જંખના પટેલ, કાંતિ બલરની ટિકિટ કપાઇ શકે  

ગુજરાત ચુંટણીને લઇને ભાજપ ગમે તે  ઘડીએ  ઉમેદવરોના નામની જાહેરાત કરી શકે છે. આવી સ્થિતિ વચ્ચે ભાજપના ઉમેદવારોના નામ જાહેર થાય તે પહેલા મહત્વના સમાચાર સામે આવી રહ્યા છે.  જેમાં 32 દાવેદારોની ટિકિટ કપાઇ તેવા એંધાણ વર્તાઇ રહ્યા છે. સૂત્રો પાસેથી મળતી વિગત અનુસાર રાજેન્દ્ર ત્રિવેદી,  રાઘવજી પટેલ, અરવિંદ રૈયાણી, સહીતના નેતાઑના પત્તા કપાઈ શકે છે. 
 

કોની કપાઇ શકે છે ટિકિટ

• રાજેન્દ્ર ત્રિવેદી, જંખના પટેલ, કાંતિ બલરની ટિકિટ કપાઇ શકે 
• પંકજ દેસાઈ, પ્રદીપ પરમારની ટિકિટ કપાઇ શકે 
• આઈ કે જાડેજા, રાઘવજી પટેલ, શંભુજી ઠાકોરની ટિકિટ કપાઇ શકે 
• બલરામ થવાણી, અરવિંદ રૈયાણી, બાઉકુ ઊંધાડની ટિકિટ કપાઇ શકે 
• આત્મારામ પરમાર, ઈશ્વર પરમાર ટિકિટ કપાઇ શકે
• સૌરભ પટેલ,કૌશિક પટેલની કપાઇ શકે ટિકિટ 
• વિભાવરીબેન દવે,બલરામ થવાણીની કપાઇ શકે ટિકિટ
• કેવલ જોશિયારા અને રમણ પાટકરની કપાઇ શકે ટિકિટ

દિગ્ગજ નેતાઓએ ચૂંટણી લડવાનો કરી ચૂ્કયા છે ઇન્કાર 
ઉમેદાવારોના નામ જાહેર થાય તેના પહેલા કેટલાક સિનિયર નેતાઓ એક પછી ચૂંટણી ન લડવાની જાહેરાત કરી રહ્યાં છે. દિગ્ગજ નેતાઓએ ચૂંટણી લડવાનો ચુંટણી લડવાનો ઇન્કાર કરી ચૂ્કયા છે. જેમાં પૂર્વ CM રૂપાણી,પૂર્વ Dy CM નીતિન પટેલ, પૂર્વ ગૃહ રાજ્યમંત્રી પ્રદિપસિંહ,  આર.સી. ફળદુ સહીતના નેતાઑએ સ્વેછાએ  ચૂંટણી લડવાની  ના પાડી છે.જેને લઈ અનેક તર્ક વિતર્ક થવા લાગ્યા છે. જે બાબતે ચર્ચાઓ ચાલી રહી છે જેમાં કહેવાઈ રહ્યું છે ટિકિટમાં પત્તું કાપવાનું નક્કી હતું અટલે આ એક બાદ એક સિનિયર નેતા ચૂંટણી ન લડવાની જાહેરાત કરી રહ્યાં છે અને નવા ઉમેદવારોને જીતાડવામાં મદદ કરવાનું કહી રહ્યા છે. 

જુના જોગીઓ સ્વેચ્છાએ જણાવી રહ્યાં છે કે, તેઓ ચૂંટણી નહી લડે તે બાબતે રાજકીય માહોલ ગરમાયો છે અને ચર્ચાએ ચાલી રહી છે આ તમામની ટિકિટ મળવાની ન હતી તે પહેલેથી જ નક્કી હતું જે માટે ઉમેદવારોની જાહેરાત થાય તેના પહેલા તેમણે જાહેરાત કરી છે.