પાટણ / રાણીની વાવ જોવા આવેલા બે યુવકો પર પડી વીજળી, એકનું નિધન, બીજો ગંભીર રીતે ઘાયલ

• વીજળી પડતા 23 વર્ષીય યુવકનું મોત
• રાણીની વાવ જોવા આવેલા 2 યુવકો પર પડી વીજળી
• અન્ય એક યુવક ગંભીર રીતે ઈજાગ્રસ્ત

ગુજરાતમાં ભર ઉનાળે કમોસમી વરસાદનો કમઠાણ સર્જાયો છે ત્યારે રાજ્યના વિવિધ વિસ્તારોમાં વરસાદ ખાબક્યો છે જ્યારે પાટણ અને બનાસકાંઠામાં વીજળી પડવાની ઘટના સામે આવી છે. જેમાં પાટણમાં વીજળી પડતા 23 વર્ષીય જગદીશ પ્રજાપતિનું મોત થયું છે જ્યારે પાલનપુરમાં વીજળી પડતા 15 વર્ષીય તરૂણનું મોત થયું છે.

પાટણમાં વીજળી પડતા 23 વર્ષીય યુવકનું મોત
પાટણમાં રાણીની વાવ જોવા આવેલા 2 યુવકો પર વીજળી પડવાની ઘટના સામે આવી છે જમાં વીજળી પડતા એક યુવકનું મોત થયું છે જ્યારે અન્ય એક યુવક ગંભીર રીતે ઈજાગ્રસ્ત થયો છે જે ઈજાગ્રસ્તને સારવાર માટે હોસ્પિટલ ખસેડાયો છે. 23 વર્ષીય જગદીશ પ્રજાપતિનું વીજળી પડતા મોત થયું છે.

પાલનપુરમાં વીજળી પડતા 15 વર્ષીય તરૂણનું મોત
પાલનપુરમાં વીજળી પડતા 15 વર્ષીય તરૂણનું મોત થયું છે.ખેતરના શેઢા પરથી પસાર થતા સમયે તરૂણ પર વીજળી પડી હતી જે વીજળી પડતા તરૂણ 15 ફૂટ જેટલો દૂર ફેંકાયો હતો. જમીન પર પટકાતા તરૂણનુ મોત નિપજ્યું છે. 15 દિવસ બાદ મૃતકના ભાઈના લગ્ન હતા જો કે ઘટનાના પગલે લગ્નનો માહોલ માતમમાં ફેરવાયો છે.

વીજળી પડતા 200 કબુતરોના મોત
મહેસાણાના શંકરપુરા ગામમાં વીજળી પડતા ચબુતરો ધરાશાયી થયો છે તેમજ ભારે પવનના કારણે ગામમાં 50 જેટલા વૃક્ષ જમીનદોસ્ત થયા છે જ્યારે ચબુતરો ધરાશાયી થતા 200 જેટલા કબુતરોના મોત  થયા છે 
 

 

મોરબીમાં વરસાદ

• મોરબી શહેર અને જીલ્લાના ગ્રામ્ય વિસ્તારમાં કોમસમી વરસાદ,
• ઘુટું, મીતાણા, ટંકારા સહિતના વિસ્તારોમાં વરસાદ
• હવામાન વિભાગે કરેલ આગાહી મુજબ કમોસમી વરસાદ

મોરબી શહેર અને જીલ્લાનાં ગ્રામ્ય વિસ્તારોમાં કમોસમી વરસાદ વરસ્યો હતો. ઘુંટું, મીતાણા, ટંકારા સહિતનાં વિસ્તારોમાં વરસાદ પડ્યો હતો. હવામાન વિભાગે કરેલી આગાહી મુજબ હજુ ચાર દિવસ કમોસમી વરસાદ પડવાની સંભાવના છે. વરસાદ બાદ વાતાવરણમાં ઠંડક વ્યાપી જવા પામી હતી. તેમજ આકાશમાં કાળા ડિબાંગ વાદળો પણ છવાઈ ગયા હતા. ભર ઉનાળે કમોસમી વરસાદથી લોકોને ગરમીમાં રાહત થવા પામી હતી. 

પાટણ જિલ્લાનુ વાતાવરણ અચાનક પલટાયુ

પાટણ જીલ્લાનાં વાતાવરણમાં અચાનક પલ્ટો આવ્યો હતો. હારીજ શહેરમાં વાતાવરણ બદલાતા ધીમી ધારે કમોસમી વરસાદ વરસવાનો શરૂ થયો હતો.  વાદળછાયા વાતાવરણ વચ્ચે વરસાદ વરસવાનો શરૂ થયો હતો. પાટણ હારીજ માર્કેટ યાર્ડની બેદરકારીને કારણે યાર્ડમાં ખુલ્લામાં રાખેલા ઘઉં. જીરૂ. ચણા તેમજ એરંડાનો પાક પલળ્યો હતો.  હવામાન વિભાગની આગાહી બાદ પણ યાર્ડની બેદરકારી સામે આવી છે. વરસાદને કારણે માર્કેટયાર્ડમાં પાક પલળતા નુકશાન ભોગવવાનો વારો આવ્યો હતો. ખેડૂતો પાસેથી ખરીદેલી જણસનો જથ્થો વરસાદમાં પલળ્યો હતો. વેપારીઓએ ખરીદેલો અને ખેડૂતોએ રાખેલો જથ્થો પલળ્યો હતો.