BIG BREAKING / બે સિલિન્ડર મફત, CNG-PNG ના ભાવમાં જોરદાર રાહત: ગુજરાત સરકારની 'દિવાળી ગિફ્ટ'

• દિવાળી પહેલા ગરીબ અને મધ્યમ વર્ગ માટે આનંદના સમાચાર
• ગરીબ-મધ્યમ વર્ગને વર્ષમાં 2 ગેસ સિલિન્ડર મફત અપાશે
• CNG-PNG વેટમાં 10 ટકાનો ઘટાડો કરવામાં આવ્યો

રાજ્યમાં એકતરફ મોંઘવારી ઘટવાનું નામ નથી લઇ રહી. એમાંય હવે તો દિવાળીના તહેવારો નજીક આવી રહ્યાં છે. ત્યારે મોંઘવારી સામાન્ય જનતા પર એક બોજો બની ગઇ છે. સામાન્ય અને ગરીબ વર્ગના પરિવારોને તો આ મોંઘવારીમાં તહેવારો ઉજવવું મુશ્કેલ બની જાય છે. એવામાં ગુજરાત સરકારે મહત્વનો નિર્ણય કરતા ગરીબ અને મધ્યમ વર્ગના લોકોને આકર્ષક દિવાળી 'ગિફ્ટ' આપી છે.

બે સિલિન્ડર મફત, CNG-PNG ના ભાવમાં જોરદાર રાહત: ગુજરાત સરકારની 'દિવાળી ગિફ્ટ'#BreakingNews #Gujarat#CNG #PNG #gascylinder pic.twitter.com/5zDDnHmSGq

— VTV Gujarati News and Beyond (@VtvGujarati) October 17, 2022

દિવાળી પહેલા ગુજરાતમાં ગરીબ અને મધ્યમ વર્ગના લોકો માટે આનંદના સમાચાર સામે આવ્યા છે. ગુજરાત સરકારે રાજ્યના 38 લાખ LPG ધારકો માટે મહત્વનો નિર્ણય લીધો છે. રાજ્ય સરકારના પ્રવક્તા જીતુ વાઘાણીએ જાહેરાત કરતા જણાવ્યું કે, ' ઉજ્જવલા યોજના અંતર્ગત રાજ્યમાં ગરીબ અને મધ્યમ વર્ગને વર્ષમાં 2 ગેસ સિલિન્ડર મફત અપાશે. ગેસ સિલિન્ડર માટેની રકમ સીધી ખાતામાં જ જમા થઇ જશે. ગેસ સિલિન્ડર માટે કુલ 650 કરોડની રાહત અપાશે. તેમજ CNG-PNG વેટમાં 10 ટકાનો ઘટાડો કરવામાં આવ્યો છે.'

દિવાળી પહેલા ગુજરાત સરકારની ગરીબ અને મધ્યમ વર્ગના લોકો માટે મહત્વની જાહેરાત

1. ગેસ સિલિન્ડર માટે કુલ રૂ.650 કરોડની રાહતની જાહેરાત
2. ઉજ્જવલા યોજના હેઠળ વર્ષમાં બે સિલિન્ડર મફત આપવામાં આવશે
3. ગેસ સિલિન્ડર માટેની રકમ સીધી ખાતામાં જમા થઇ જશે
4. CNG-PNG ના વેટમાં પણ રાજ્ય સરકારે 10 ટકાનો ઘટાડો કર્યો