BIG NEWS / પાકિસ્તાનમાં મોટી દુર્ઘટના: જાનૈયા ભરેલી હોડી પાણીમાં ડૂબી ગઈ, 19 મહિલાઓના મોત, 100 લોકો હતા સવાર

• પાકિસ્તાનમાં મોટી દુર્ઘટના
• જાનૈયા ભરેલી નાવ પાણીમાં ડૂબી ગઈ
• 19 મહિલાના મૃતદેહ મળી આવ્યા, 100 લોકો હતા સવાર

પાકિસ્તાનના પંજાબ અને સિંધ સરહદી વિસ્તાર પાસે સિંધુ નદીમાં એક હોડી પલ્ટી જતાં આ દુર્ઘટનામાં લગભગ 19 મહિલાઓના મોત થયા છે. હોડીમાં સવાર લોકો એક લગ્ન પ્રસંગમાં સામેલ થવા જઈ રહ્યા હતા. અધિકારીઓએ સોમવારે આ અંગેની જાણકારી આપી હતી. અધિકારીઓએ કહ્યું કે, જાનમાં જઈ રહેલા અન્ય લોકોની શોધ ચાલી રહી છે. તેમણે જણાવ્યું છે કે, હોડીમાં લગભગ 100 લોકો સવાર હતા. આ લોકો રહીમ યાર ખાનની નજીક 65 કિમી દૂર મચ્છકાના એક કબીલાના રહેવાસી હતા. 

19 મૃતદેહ મળી આવ્યા

રહીમ યાર ખાનના ડેપ્યુટી કમિશનર સૈયદ મૂસા રજાએ મીડિયાને જણાવ્યું છે કે, રેસ્ક્યૂ ઓપરેશનમાં તરવૈયાઓ અને પાંચ એમ્બ્યુલન્સ અને એક જળ બચાવ વાન સહિત 30 કર્મચારીઓ ઘટનાસ્થળે હાજર છે. હાલમાં 19 મૃતદેહ મળી આવ્યા છે અને આ તમામ મહિલાઓ છે. અને બાકીના લોકોની પણ શોધ કરી રહ્યા છીએ.

رحیم یار خان کے قریب دریائے سندھ میں کشتی اُلٹنے کے حادثے کے نتیجے میں 19 قیمتی جانوں کے ضیاع پر دکھی اور رنجیدہ ہوں. اللہ تعالی سے دعا ہے کہ وہ مرحومین کو اپنے جوارِ رحمت میں جگہ دے اور متاثرہ خاندانوں کو صبرِ جمیل عطا فرمائے.

— Shehbaz Sharif (@CMShehbaz) July 18, 2022

મરનારા લોકોની સંખ્યા હજૂ પણ વધશે

રજાએ કહ્યું કે, ઓવરલોડિંગ અને પાણીના તેજ વહેણના કારણે હોડી પલ્ટી ગઈ. તેમણે કહ્યું કે, કેટલાય અન્ય લોકો પણ હજૂ ગુમ છે. તેમણે કહ્યું કે, આ ઘટના ત્યારે થઈ જ્યારે આ લોકો લગ્ન સમારંભ બાદ રાજનપુરથી મચ્છા પાછી આવી રહ્યા છે. રજાએ કહ્યું કે, મરનારા લોકોની સંખ્યા વધી શકે છે. તો વળી પાકિસ્તાનના પ્રધાનમંત્રી શહબાઝ શરીફે આ ઘટના પર દુ:ખ વ્યક્ત કર્યું છે અને સંવેદના જતાવી છે. શરીફે ટ્વિટ કરીને મૃતકોના પરિવારો પ્રત્યે સંવેદના વ્યક્ત કરી છે. 

સ્થાનિક લોકોએ લગભગ 35 લોકોના જીવ બચાવ્યા

આપને જણાવી દઈએ કે, પોલીસે મીડિયાને જણાવ્યું છે કે, સ્થાનિક લોકોએ લગભગ 35 લોકોને બચાવ્યા છે. બાકીના ગુમ લોકોની શોધ હજૂ ચાલું છે. અહીં ઉલ્લેખનિય છે કે, ગત અઠવાડીયે પંજાબના પ્રાંતિય ડિઝાસ્ટર મેનેજમેન્ટે 15થી 17 જૂલાઈ સુધી ભારે વરસાદનું એલર્ટ જાહેર કરીને પાણીમાં ન જવાની અપીલ કરી હતી.