Bengaluru City: શહેરની દોડતી લાઇફમાંથી થોડી શાંતિ મેળવવા માટે ઘણા લોકો પાર્ક અથવા બગીચામાં ફરવાનું પસંદ કરે છે. પરંતુ ભારતની સ્ટાર્ટઅપ કહેવાતુ શહેર બેંગલુરુમાં એક નવો બિઝનેસ શરૂ થયો છે, જે આ જરૂરિયાતનો લાભ લેવા અને પૈસા કમાવવા માંગે છે. જેના કારણે ઓનલાઈન ઘણી ચર્ચા થઈ રહી છે. જોઇએ તો સોશિયલ મીડિયા પર એક સ્ક્રીનશોટ વાયરલ થયો છે, જેમાં "ફોરેસ્ટ બાથિંગ એક્સપિરિયન્સ" ની ટિકિટ 1500 રૂપિયાની ઊંચી કિંમતે વેચાઈ રહી છે. વાયરલ સ્ક્રીનશોટમાં 28 એપ્રિલે યોજાનાર "ફોરેસ્ટ બાથિંગ એક્સપિરિયન્સ" કાર્યક્રમની ટિકિટો વેચાઈ રહી છે.
ઝાડને ચિંપકવા માટે શું પૈસા ચૂકવણી કરવી પડશે?
આ ઈવેન્ટ બેંગલુરુના ક્યુબન પાર્ક ખાતે યોજવામાં આવશે અને તેમાં ટહેલવા તેમજ તણાવ ઘટાડવાની અને ખુશનુમય પ્રવૃત્તિઓનો સમાવેશ થશે. તેની ખાસ વાત એ છે કે ટિકિટની કિંમત 1500 રૂપિયા છે. ઓનલાઈન યુઝર્સ વિચારી રહ્યા છે કે, શું આપણે આ જાતે મફતમાં ન કરી શકીએ? પણ આ મામલો અહીં પૂરો નથી થતો. આ કાર્યક્રમમાં એક જ સીટ હતી અને તે પણ વેચાઈ ગઈ છે. લોકોએ આના પર ઘણી ફની કમેન્ટ્સ કરી. કેટલાક લોકો તેને બજારની નવી "છેતરપિંડી" કહે છે. એકએ મજાકમાં કહ્યું કે બેંગલુરુમાં ટેકીઓ એ વાતને લઇ પરેશાન છે કે, સપ્તાહમાં પાંચ કલાક કામ કરીને 95 ટકા ભારતીયોથી સારી રીતે જીવે છે.
આની પાછળ બીજું કોઈ કારણ છે?
ઝાડને ગળે લગાવવા માટે પણ હવે મની ચુકવવા પડશે આવી સોશિયલ મિડિયામાં જાહેરાતએ ધમાલ મચાવી છે. આ ચર્ચા વધતી જ ગઈ. ઘણા લોકોને "ફોરેસ્ટ બાંથિંગ" ના કોન્સેપ્ટ પર મજાક કરવાનો મોકો મળ્યો. કેટલાકે એમ પણ કહ્યું કે બેંગલુરુમાં પાણીની સમસ્યા ખરેખર ગંભીર છે. પરંતુ, જેઓ આ વિશે અજાણ છે અને આશ્ચર્યચકિત છે, તેમને જણાવી દઈએ કે "ફોરેસ્ટ બાથિંગ" વાસ્તવમાં "શિનરીન-યોકુ" નામની જાપાની પરંપરા છે, જે પ્રકૃતિની વચ્ચે આરામ કરવાનો એક માર્ગ છે. તેમાં વૃક્ષો વચ્ચે ધીમી, શાંત ચિંતન, ઊંડા શ્વાસ લેવા અને આસપાસના વાતાવરણનું કાળજીપૂર્વક નિરીક્ષણ જેવી પ્રવૃત્તિઓનો સમાવેશ થાય છે. આ પ્રવૃત્તિઓ માત્ર 10-15 મિનિટથી લઈને કેટલાક દિવસો કે અઠવાડિયા સુધીની હોઇ શકે છે.
