અમદાવાદમાં વેપારી પાસે ખંડણી માંગનાર પોલીસ કર્મીઓની સોલા પોલીસે ધરપકડ કરી છે. ત્યારે આ ત્રણેય પોલીસકર્મી ટ્રાફિક પોલીસ સ્ટેશનમાં ફરજ બજાવતા હતા. સોલા પોલીસે આરોપીએ સામે ખંડણી તેમજ લાંચ માંગવાની કલમ હેઠળ તેઓની સામે ગુનો નોંધાયો છે.
Share
અમદાવાદમાં વેપારી પાસે ખંડણી માગનાર પોલીસકર્મીઓની ધરપકડ
પો. કોન્સ્ટેલબ મુકેશ ચૌધરી, ASI અશોક ચૌધરી તેમજ TRB જવાન વિશાલની પણ કરાઈ ધરપકડ
કોર્ટે આવતીકાલ સુધીનાં રિમાન્ડ મંજૂર કર્યા
અમદાવાદમાં વેપારી પાસેથી તોડ કરનાર પોલીસ કર્મચારીઓની ધરપકડ કરવામા આવી છે.. વેપારીની ગાડી રોકી જાહેરનામા ભંગ બદલ ગુનો નોંધવાની ધમકી આપી વેપારી પાસેથી 60 હજાર રૂપિયાનો તોડ કર્યો હતો. જેમાં સોલા પોલીસે 2 પોલીસકર્મી અને 1 TRB જવાનની ધરપકડ કરી તપાસ હાથ ધરી છે.
સત્તાનો દુરુપયોગ કરી લાંચ લેવાના ગુનામાં પોલીસે ધરપકડ કરી
સોલા પોલીસની કસ્ટડીમાં રહેલા આ 3 આરોપીઓ પોલીસ કર્મચારીઓ છે. ટ્રાફિક એ ડિવિઝનમાં ફરજ બજાવતા ASI મુકેશ ચૌધરી, પોલીસ કોન્સ્ટેબલ અશોક ચૌધરી અને ટીઆરબી જવાન વિશાલ સોલંકીની ધરપકડ કરવામાં આવી છે. આ પોલીસકર્મીઓએ બોપલના વેપારી મિલન કેલાની ગાડી રોકી કેસ કરવાની ધમકી આપી રૂપિયા 60 હજાર પડાવી લીધા હતા. જે ગુનામાં સોલા પોલીસે સત્તાનો દુરુપયોગ કરી લાંચ લેવાના ગુનામાં પોલીસે ધરપકડ કરી છે.
સોલા પોલીસે ત્રણ આરોપીઓની ધરપકડ કરી
આરોપીઓ સામે પ્રિવેન્શન ઓફ કરપ્શનની કલમનો ઉમેરો કરવા માટે રિપોર્ટ કરવામા આવ્યો
ઝડપાયેલા 3 આરોપીમાંથી બે આરોપી મુકેશ ચૌધરી અને અશોક ચૌધરી પોલીસ કર્મચારી છે. જે એ ડિવિઝન ટ્રાફિક પોલીસ મથકના સ્પિડ ગન ઓપરેટર તરીકે ફરજ બજાવતા હતા. આ પોલીસ કર્મચારીઓ પોતાની સત્તા નો દુરઉપયોગ કરી રૂપિયા પડાવ્યા હોવાથી આરોપી વિરુદ્ધ પ્રિવેન્શન ઓફ કરપ્શનની કલમનો ઉમેરો કરવા માટે રિપોર્ટ કરવામા આવ્યો છે. મુકેશ ભાઈ ચૌધરી 2016 માં પોલીસ વિભાગ ભરતી થયા હતા. અશોક ચૌધરી 2017મા ભરતી થયા છે. અને બન્નેનું પહેલું પોસ્ટિંગ હતું.. ત્યારે ઝડપાયેલા આરોપી અગાઉ કોઈ ગુનામાં સપડાયા છે કે કેમ અને અગાઉ કોઈની પાસે રૂપિયા પડાવ્યા છે કેમ તેની તપાસ શરૂ કરી છે.
એચ.એમ.સનસાગરા (એસીપી, એ ડીવીઝન)
ઝડપાયેલા પોલીસ કર્મીએ અગાઉ પણ તોડ કર્યા હોવાની શંકા
મહત્વનું છે કે ઝડપાયેલા પોલીસ કર્મી એ પોલીસ યુનિફોર્મ અને સરકારી ગાડીનો પણ ગુનામાં ઉપયોગ કર્યો છે. તેથી જ ઝડપાયેલા પોલીસ કર્મીએ અગાઉ પણ તોડ કર્યા હોવાની શંકા છે. સાથે જ 60 હજારમાંથી 5 હજાર ટીઆરબી જવાનને આપ્યા હતા. અને અન્ય રૂપિયા પોતે ભાગ પાડ્યા હોવાનુ સામે આવ્યુ છે. જેથી પોલીસે રિમાન્ડ મેળવી વધુ પૂછપરછ હાથ ધરી છે.
કોર્ટે આવતીકાલ સુધીનાં રિમાન્ડ મંજૂર કર્યા
અમદાવાદનાં એસજી હાઈવે પર તોડ કરનારા પોલીસકર્મીઓને કોર્ટમાં રજૂ કરી પોલીસ દ્વારા રિમાન્ડની માંગ કરી હતી. ત્યારે ત્રણેય આરોપીઓનાં ગ્રામ્ય કોર્ટે આવતીકાલ સાંજે 5 વાગ્યા સુધીનાં રિમાન્ડ મંજૂર કર્યા હતા.
.png)
