વિશ્વ / ટ્રમ્પે ઈરાન પર હુમલો રદ કરતા નારાજ થયા નેતન્યાહૂ, શું ઇઝરાયલ- અમેરિકા વચ્ચે પડી ફૂટ?

અમેરિકન રાષ્ટ્રપતિ ડોનાલ્ડ ટ્રમ્પે ઈરાન પર હુમલો રદ કર્યો ત્યારે ઇઝરાયલી વડા પ્રધાન બેન્જામિન નેતન્યાહૂ આશ્ચર્યચકિત થયા હતા. ટ્રમ્પે દાવો કર્યો હતો કે તેહરાનના નેતાઓએ મધ્ય પૂર્વમાં લડાઈ રોકવા માટે કરારના મુસદ્દાને મંજૂરી આપી હતી. અમેરિકાના પબ્લિકેશન એક્સિઓસે રીપોર્ટમાં કહ્યુ કે ઇઝરાયલી નેતાને તાજેતરના દિવસોમાં અમેરિકા અને ઈરાન વચ્ચેની વાટાઘાટોની કોઈ જાણકારી નહોતી. તેઓ માહિતી એકત્રિત કરવા માટે ટ્રમ્પ વહીવટીતંત્રના નજીકના સહયોગીઓનો સંપર્ક કરી રહ્યા હતા.

બંને દેશો વચ્ચેના અણબનાવના સમાચાર એવા સમયે આવ્યા છે જ્યારે અમેરિકા અને ઈઝરાયલી હિતો અલગ અલગ થઈ રહ્યા છે. ટ્રમ્પ નવેમ્બરની મધ્યસત્ર ચૂંટણી પહેલા પેટ્રોલના ભાવ ઘટાડવાના દબાણ હેઠળ આ વિવાદનો ઉકેલ લાવવા માંગે છે. નેતન્યાહૂ જણાવેલા યુદ્ધ લક્ષ્યોને પ્રાપ્ત કરવા માટે દબાણ હેઠળ છે. ટ્રમ્પે ટ્રુથ સોશિયલ પર એક પોસ્ટમાં જણાવ્યું હતું કે, ઇસ્લામિક રિપબ્લિક ઓફ ઈરાન સાથેની વાટાઘાટો ઈરાનના નેતૃત્વના ઉચ્ચતમ સ્તર સુધી વધારવામાં આવી હતી અને મંજૂરી મળી હતી તેના આધારે, તે સાંજે ઈરાન પર હુમલો રદ કરવામાં આવ્યો હતો.

ઇઝરાયલે જણાવ્યું હતું કે તે સમજૂતી કરારનો ભાગ નથી

એક્સિઓસે રિપોર્ટ શેર કર્યો હતો જેમાં જણાવાયું હતું કે ટ્રમ્પે સોદાને અંતિમ સ્વરૂપ આપતા પહેલા ઇઝરાયલી પીએમ બેન્જામિન નેતન્યાહૂ, કતારના અમીર તમિમ બિન હમાદ અલ થાની અને અન્ય પ્રાદેશિક નેતાઓ સાથે ફોન પર વાત કરી હતી. દરમિયાન ઇઝરાયલી પીએમ કાર્યાલય તરફથી એક નિવેદનમાં કહેવામાં આવ્યું હતું કે તેલ અવીવ અમેરિકા અને તેહરાન વચ્ચેના સમજૂતી કરારનો ભાગ નથી.

આ પણ વાંચોઃ વિશ્વ / બ્રિટનના ડિફેન્સ મિનિસ્ટરનું રાજીનામુ, કહ્યું 'આર્મીને પૈસા નથી આપતી સરકાર'

ટ્રમ્પે ઈરાન અને તેના પ્રોક્સી સાથે નિપટવા માટે મોટાભાગે તેમના મિત્ર નેતન્યાહૂની વ્યૂહરચના અપનાવી છે. ફેબ્રુઆરીમાં જ્યારે તેઓ ઈરાની યુદ્ધભૂમિમાં પ્રવેશ્યા ત્યારે નેતાઓ ખભે ખભા મિલાવીને ઉભા રહ્યા. પરંતુ ટૂંક સમયમાં જ સ્પષ્ટ થઈ ગયું કે બંને નેતાઓના ઉદ્દેશ્યો અલગ અલગ હતા. ટ્રમ્પ વેનેઝુએલા જેવી ઝડપી જીત ઇચ્છતા હતા, જ્યારે નેતન્યાહૂ ઇસ્લામિક રિપબ્લિક અને હિઝબુલ્લાહ જેવા તેના સાથીઓનો સંપૂર્ણપણે નાશ કરવા માંગતા હતા. દરમિયાન ઇઝરાયલીઓ નારાજ છે કારણ કે નેતન્યાહૂ કોઈપણ યુદ્ધને સંપૂર્ણપણે સમાપ્ત કરવામાં નિષ્ફળ ગયા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ