Iran / ઈરાને અયાતુલ્લા અલી ખામેનેઇના અંતિમ સંસ્કાર માટે 4 જુલાઈનો દિવસ કેમ પસંદ કર્યો? સામે આવ્યું કારણ

ઈરાની સુપ્રીમ લીડર ખામેનેઇના અંતિમ સંસ્કાર માટે તેહરાનમાં 10 કરોડથી વધુ લોકો એકઠા થવાની ધારણા છે. કેટલાક ઈરાનીઓએ સત્તાવાર સમારોહ પહેલા કલાકો સુધી રાહ જોઈ, તેમને આશા હતી કે દરવાજા રાત સુધી ખુલી જશે.

ખામેનેઇના અંતિમ સંસ્કારનો સમય શિયા સમુદાય માટે ખૂબ મહત્વપૂર્ણ છે. તેહરાન યુનિવર્સિટીના રિસર્ચ ફેલો મોહમ્મદ ઇસ્લામીએ અલ જઝીરા સાથે અલી ખામેનેઇના અંતિમ સંસ્કારના સમય વિશે વાત કરી, જે અમેરિકાના 4 જુલાઈના સ્વતંત્રતા દિવસ સાથે મેળ ખાય છે.

ઇસ્લામીએ કહ્યું, "મહર્રમના પહેલા 10 દિવસ પછી અંતિમ સંસ્કાર કરવામાં આવી રહ્યા છે, જે શિયાઓના ત્રીજા ઇમામ હુસૈન અલી સલામની શહાદતનો સમય હોય છે."

તેમણે કહ્યું, "મને નથી લાગતું કે ઈરાની લોકો અમેરિકનોની આઝાદી વિશે વિચારી રહ્યા છે, પરંતુ તેઓ બીજા દેશોમાં પોતાના માનવા વાળાઓ અંગે વિચારી રહ્યા છે. અને તેઓ સંદેશ આપવા માંગે છે કે અલી ખામેનેઇની શહાદત, ઇમામ હુસૈન અલીની શહાદતનો જ સિલસિલો છે."

તેહરાનમાં જ્યાં ખામેનેઇનું પાર્થિવ શરીર રાખવામાં આવ્યું છે. ત્યાંનો એક વીડિયો સામે આવ્યો છે. જેમાં જોવા મળે છે કે આખુ પરિસર ખચોખચ ભરેલુ છે.

આ પણ વાંચોઃ વિશ્વ / ડોનાલ્ડ ટ્રમ્પને સુપ્રીમ કોર્ટનો વધુ એક મોટો ઝટકો, અમેરિકામાં જન્મજાત નાગરિકતાનો અધિકાર નાબૂદ નહીં થાય

તેહરાનના ગ્રૈંડ મોસાલામાં હજારો લોકો તેમના સુપ્રીમ લીડર અયાતુલ્લા અલી ખામેનેઇની હત્યાનો શોક મનાવવા માટે એકઠા થયા છે. ખામેનેઇનું પાર્થિવ શરીરને કાચના શબપેટીમાં રાખવામાં આવ્યું છે. ખામેનેઇના બાકીના પરિવારના સભ્યોના તાબૂતને નીચે રાખવામાં આવ્યા છે. અને તેમના ઉપર તેમની પહેચાન બની ચુકી કાળી પાઘડી રાખવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ