ખુશી / VIDEO : ઈઝરાયલમાં દિવાળી જેવો માહોલ, 738 દિવસ પછી હમાસે બંધકોને મુક્ત કર્યા

Israel Hamas Peace Plan : ઇઝરાયલ અને હમાસ વચ્ચે બે વર્ષ કરતાં વધુ સમયથી ચાલી રહેલી હિંસાનો અંત આવી ગયો છે. બંને દેશ વચ્ચે સીઝફાયર કરાર થયા હતા, જે બાદ આજથી ઈઝરાયલી બંધકોની મુક્તિ શરુ થઈ ગઈ છે.

ઈઝયરાલના લોકોમાં ખુશી અપરંપાર

ભારતમાં દિવાળીનો તહેવાર નજીક આવી રહ્યો છે, જો કે કેટલાક કિલોમીટર દૂર ઈઝરાયલમાં પણ દિવાળી જેવો માહોલ જોવા મળી રહ્યો છે. લોકોમાં એક અનોખી ખુશી જોવા મળી રહી છે. ઇઝરાયલી બંધકોની મુક્તિ શરુ થઈ ગઈ છે.

ઈઝરાયલમાં ઉજવણીનો માહોલ

ગાઝામાંથી 48 બંધકોની મુક્તિ થવાની હોવાથી વહેલી સવારથી જ તેલ અવીવના હોસ્ટેજ સ્ક્વેર પર સેંકડો લોકો એકઠા થયા હતા. સાત બંધકોનો પહેલો જથ્થો મુક્ત કરવામાં આવ્યો છે. બંધકોની મુક્તિ પર ઇઝરાયલમાં ઉજવણીનો માહોલ છે.

આ લોકોને મુક્ત કરવામાં આવ્યા

ઇઝરાયલી સંરક્ષણ દળો (IDF)એ માહિતી આપતા હમાસ મુક્ત કરાયેલા સાત વ્યક્તિઓમાં એઇટન મોર, ગેલી બર્મન, ઝીવ બર્મન, ઓમરી મીરાન, એલોન ઓહેલ, ગાય ગિલ્બોઆ-દલાલ અને માટન એન્ગ્રેસ્ટ સમાવેશ થાય છે.

હૃદયસ્પર્શી વીડિયો આવ્યો સામે

બંધકોની મુકિત સમયે એક વીડિયો સામે આવ્યા છે, જેમાં માટન તેમની મા ઈનાવ જંગાઉકર સાથે વાત કરી દેખાઈ રહી છે. તેના પુત્રને મુક્ત થતો જોઈને તેની માતા રડી રહી છે. આ ખૂબ જ હૃદયસ્પર્શી વીડિયો છે. પોતાના દીકરાનો અવાજ સાંભળીને ઈનાવ ખૂબ જ ભાવુક થઈ જાય છે અને ધ્રૂસકે ધ્રૂસકે રડી પડે છે.

વધુ વાંચો : યુદ્ધવિરામ બાદ ફરી ગાઝામાં ગોળીબાર થયો, 27 લોકોના મોત

ડોનાલ્ડ ટ્રમ્પ ઇઝરાયલી સંસદ પહોંચ્યા

યુએસ પ્રમુખ ડોનાલ્ડ ટ્રમ્પ ઇઝરાયલ પહોંચ્યા છે. તેઓ ઇઝરાયલી સંસદને સંબોધિત કરવાના છે. 1949માં ઇઝરાયલની રચના પછી ટ્રમ્પ ઇઝરાયલી સંસદને સંબોધિત કરનારા ચોથા યુએસ પ્રમુખ બનશે. ઇઝરાયલી સંસદના સ્પીકર દ્વારા ટ્રમ્પનું સ્વાગત કરવામાં આવ્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ