સ્પોર્ટસ / સ્મૃતિ મંધાના અને પલાશ મુછલના લગ્ન નહીં થાય! આ કારણે લેવાયો નિર્ણય

વર્લ્ડ ચેમ્પિયન સ્મૃતિ મંધાનાના લગ્ન મુલતવી રાખવામાં આવ્યા છે. અહેવાલો અનુસાર, ક્રિકેટરના પિતાની નાદુરસ્ત તબિયતને કારણે લગ્ન મુલતવી રાખવામાં આવ્યા છે. સ્મૃતિ મંધાના અને પલાશ મુછલના આજે લગ્ન થવાના હતા. લગ્નની વિધિઓ ખૂબ જ ધામધૂમથી ઉજવવામાં આવી રહી હતી. આ કપલના વીડિયો પણ સોશિયલ મીડિયા પર વાયરલ થઈ રહ્યા છે.

ભારતીય ક્રિકેટર સ્મૃતિ મંધાનાના મેનેજર તુહિન મિશ્રાએ પુષ્ટિ આપી છે કે તેના પિતા બીમાર છે અને લગ્ન અનિશ્ચિત સમય માટે મુલતવી રાખવામાં આવ્યા છે. મહેંદી અને હલ્દી સમારોહ શનિવારે યોજાયો હતો. આ દંપતી આજે બપોરે લગ્ન કરવાના હતા. જોકે, તેના પિતાની તબિયત અચાનક બગડી ગઈ.

સ્મૃતિ મંધાનાના મેનેજરે કહ્યું, સવારે જ્યારે મંધાનાના પિતા નાસ્તો કરી રહ્યા હતા, ત્યારે તેમની તબિયત બગડવા લાગી. અમે થોડીવાર રાહ જોઈ. પરંતુ જ્યારે તેમની તબિયતમાં સુધારો ન થયો, ત્યારે અમે તેમને હોસ્પિટલમાં લઈ ગયા. તેઓ હાલમાં નિરીક્ષણ હેઠળ છે.

મેનેજરે કહ્યું કે સ્મૃતિ તેના પિતાની ખૂબ નજીક છે. તેથી તેમણે તેના પિતા સ્વસ્થ ન થાય ત્યાં સુધી લગ્ન મુલતવી રાખવાનો નિર્ણય લીધો.

આ પણ વાંચોઃ 21 દિવસમાં જ ટીમ ઈન્ડિયા બની ફરી વિશ્વ ચેમ્પિયન, ફાઈનલમાં નેપાળને હરાવી બની વિશ્વવિજેતા

નોંધનીય છે કે સ્મૃતિ મંધાના એ ટીમનો ભાગ હતી જેણે 2 નવેમ્બરના રોજ દક્ષિણ આફ્રિકાને હરાવીને પ્રથમ વખત મહિલા ODI વર્લ્ડ કપ જીત્યો હતો. મંધાનાની બેટિંગ પણ વર્લ્ડ કપમાં શાનદાર હતી. તેણે ફાઇનલમાં શેફાલી વર્મા સાથે સદીની ભાગીદારી કરી હતી. વિજય પછી, પલાશ મુછલ ક્રિકેટના મેદાન પર મંધાના સાથે ઉજવણી કરતી જોવા મળી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ