ગર્વ / 21 દિવસમાં જ ટીમ ઈન્ડિયા બની ફરી વિશ્વ ચેમ્પિયન, ફાઈનલમાં નેપાળને હરાવી બની વિશ્વવિજેતા

ભારતીય મહિલા બ્લાઇન્ડ ક્રિકેટ ટીમે કોલંબોમાં નેપાળને હરાવીને પહેલું વર્લ્ડ કપ ટાઇટલ જીત્યું છે. રોમાંચક ફાઇનલમાં ભારતે નેપાળને સાત વિકેટથી હરાવીને ટાઇટલ જીત્યું. ચોંકવાનારી વાત એ છે કે ભારત આખી ટુર્નામેન્ટમાં એક પણ મેચ હાર્યું નથી અને બધી મેચ જીતીને ટુર્નામેન્ટમાં પોતાનું વર્ચસ્વ સાબિત કર્યું છે.

ભારતે ટોસ જીતીને નેપાળને પહેલા બેટિંગ કરવાની તક આપી. પહેલા બેટિંગ કરતા નેપાળે 20 ઓવરમાં 5 વિકેટ ગુમાવીને 114 રન બનાવ્યા. ભારતે આ ટાર્ગેટને 12.1 ઓવરમાં 47 બોલ બાકી રહેતા હાંસલ કરી લીધો . ભારત તરફથી ખુલા ધારીએ 27 બોલમાં ચાર ચોગ્ગાની મદદથી અણનમ 44 રન બનાવ્યા.

20 દિવસ પહેલા ભારતીય મહિલા ટીમે નવી મુંબઈમાં દક્ષિણ આફ્રિકાની ટીમને હરાવીને મહિલા ક્રિકેટમાં એક નવો અધ્યાય શરૂ કર્યો હતો. હવે ત્રણ અઠવાડિયાથી પણ ઓછા સમય પછી ભારતીય મહિલા બ્લાઇન્ડ ટીમ પણ વર્લ્ડ કપ જીતીને બ્લાઇન્ડ ક્રિકેટ માટે નવું ભાગ્ય લખવાનો પ્રયાસ કરશે.

આ પણ વાંચોઃ જાડેજાએ કેવી રીતે લીધો CSK છોડવાનો નિર્ણય? સ્ટાર ઓલરાઉન્ડરે કર્યો મહત્વપૂર્ણ ખુલાસો

ભારતે સેમિફાઇનલમાં ઓસ્ટ્રેલિયાને 9 વિકેટે હરાવ્યું હતું, જ્યારે બીજા સેમિફાઇનલમાં નેપાળે પાકિસ્તાનને હરાવીને ફાઇનલમાં જગ્યા બનાવી હતી.

ભારતીય ટીમનો ફાઇનલની સફર

• પહેલી મેચમાં શ્રીલંકાને 10 વિકેટથી હરાવ્યું
• બીજી મેચમાં ઓસ્ટ્રેલિયાને 209 રનથી હરાવ્યું
• ત્રીજી મેચમાં નેપાળને 85 રનથી હરાવ્યું
• ચોથી મેચમાં યુનાઇટેડ સ્ટેટ્સને 10 વિકેટથી હરાવ્યું
• પાંચમી મેચમાં પાકિસ્તાનને 8 વિકેટથી હરાવ્યું
• સેમિફાઇનલમાં ઓસ્ટ્રેલિયાને 9 વિકેટથી હરાવ્યું
• ફાઇનલ: ભારતે નેપાળને 7 વિકેટથી હરાવ્યું, કોલંબો

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ