OMG / ઑફિસ ગયા વગર, ઘરમાં બેઠા જે કરવું હોય કરો તોય મળશે જોરદાર પૈસા! જાણો કઈ રીતે

• તમારું જીવન પણ બિગ બોસ જેવુ બની શકે છે 
• ઈટાલિયન પ્લેટફોર્મ સ્પાઈડલાઈફ એ ડેવલોપ કરી એક એપ 
• આ એપથી લોકોને બીજાના જીવનની ઘટનાઓ નજીકથી જોવા મળશે 

કામ ફક્ત 24X7 લાઈવ રહેવાનું  
કલ્પના કરો કે તમારે ઓફિસ કે કામ પર જવાની જરૂર નથી, ઘરે બેસી રહેવાનું, મિત્રો સાથે વાતો કરો ગપ્પાં મારો કે મોજ કરો પણ તમને પૈસા મળતા જ રહે છે. તમે આખો દિવસ જે પણ કરો તે ફક્ત લાઇવ સ્ટ્રીમ કરવાનું. ના ખબર પડી, અરે તમે બિગ બોસ અને લોક અપ જેવા શો જોયા હશે. તેમને જોઈને તમારા મનમાં એક વાર તો વિચાર આવ્યો જ હશે કે કાશ મારી લાઈફ પણ આવા રિયાલિટી શો જેવી બને અને બદલામાં પૈસા મળે તો કેટલી મજા પડી જાય. આ એક સપના જેવું લાગે પરંતુ તે હવે વાસ્તવિક છે. એક આંતરરાષ્ટ્રીય પ્લેટફોર્મે એક સુવિધા શરૂ કરી છે જ્યાં તમે તમારા જીવનને 24X7 લાઈવ સ્ટ્રીમ કરી શકો છો અને તેમાંથી પૈસા કમાઈ શકો છો. 

તમારું અંગત જીવન વેબકેમ વડે લાઈવ શૉ થશે
ઓડિટી સેન્ટ્રલ વેબસાઈટમાં પ્રકાશિત એક રિપોર્ટ અનુસાર, આ પ્લેટફોર્મ ઈટાલિયન પ્લેટફોર્મ સ્પાઈડલાઈફ દ્વારા આ સુવિધા આપવામાં આવી રહી છે. પ્લેટફોર્મ તમને તમારા ઘરે વેબકેમની મદદથી અઠવાડિયાના સાતેય દિવસ અજાણ્યા લોકો સામે તમારા અંગત જીવનને લાઇવસ્ટ્રીમ કરવા મંજૂરી માંગશે. એટલે કે આ પ્લેટફોર્મની મદદથી તમારું જીવન પણ બિગ બોસ જેવું બની શકે છે. 

ચેટ રૂમ પર દર્શકોને મળી શકો છો.  
એટલું જ નહીં, સ્પાઈડલાઈફ સ્ટ્રીમર્સ માટે ચેટ રૂમ પણ પ્રદાન કરાવ્યો છે જેની મદદથી તમે તમારા દર્શકોના સંપર્કમાં રહી શકો છો અને તમારી ચેનલની લોકપ્રિયતા પણ જાણી શકો છો. અને અહીં સૌથી સારી વાત એ છે કે આ પ્લેટફોર્મ સ્ટ્રીમર્સને પૈસા પણ આપે છે. 

દર મહિને 1 કરોડ યુઝર્સ 
તમને જાણીને નવાઈ લાગશે કે આ પ્લેટફોર્મના દર્શકોની સંખ્યા દર મહિને 1 કરોડ છે. મારિયો સેકો સ્પાઈડલાઈફના કાસ્ટિંગ ડિરેક્ટર છે. તેણે ઓડિટી સેન્ટ્રલને કહ્યું કે આ પ્લેટફોર્મે દુનિયાભરના લોકોને આકર્ષ્યા છે. તેમણે કહ્યું કે સ્પાઈડલાઈફ એવું પ્રથમ પ્લેટફોર્મ છે જે વ્યક્તિની અગંત પળો સિવાયનું બધુ જ જીવન દર્શાવી નવા રિવાજો અને સંસ્કૃતિઓને સમજવાની તક પૂરી પાડે છે. 

ઇટાલીના લોકોમાં પોપ્યુલર હવે બહારના લોકો પણ જોડાશે 
આ પ્લેટફોર્મ પર કેટલાક એવા સભ્યો છે જેઓ બાર અથવા ક્લબના માલિક છે. દેખીતી રીતે, આવા લોકો માટે તેમની કંપની અથવા ઉત્પાદનને મફતમાં પ્રમોટ કરવાની આ એક સરસ રીત છે. જો કે તેના મોટાભાગના દર્શકો સામાન્ય લોકો છે જેઓ તેમના કંટાળાજનક જીવનમાં થોડી મજા માણવા અથવા પૈસા કમાવવા માટે લાઇવ સ્ટ્રીમનો વિચાર અપનાવે છે. સ્પાઈડલાઈફના મોટાભાગના સભ્યો ઈટાલીના છે. કારણ કે આ પ્લેટફોર્મ ઇટાલીનું છે અને હવે આમાં ઈટલીની બહારથી પણ ઘણા લોકો જોડાઈ રહ્યા છે.