જાણવા જેવું / શું તમે જાણો છો કે માથા પર કેમ લગાવાય છે 'ત્રિપુંડ'? આની પાછળ છુપાયેલ છે ધાર્મિકતાની સાથે ઊંડું વિજ્ઞાન

• માથા પર કેમ લગાવવામાં આવે છે ત્રિપુંડ?
• ત્રણ આંગળીઓની મદદથી ત્રિપુંડ બનાવવામાં આવે છે
• ત્રિપુંડ ધારણ કરનારા લોકો પર શિવની હોય છે વિશેષ કૃપા

ત્રિપુંડ લગાવવાની પરંપરા પર શુ કહે છે વિજ્ઞાન? 

હિન્દુ ધર્મ શાસ્ત્રોમાં એક પરંપરા છે, માથા પર એટલેકે માથા પર ત્રિપુંટ લગાવવાની. આખરે સાધુ સંત કેમ લગાવે છે ત્રિપુંડ. શાસ્ત્રો મુજબ શું છે તેનુ મહત્વ. ત્રિપુંડ લગાવવાની પરંપરા પર શુ કહે છે વિજ્ઞાન અને શું છે આ ત્રિપુંડને લગાવવાના મહાલાભ આવો જાણીએ. માનવ શરીરને ઈશ્વરની સૌથી અનોખી, સુંદર અને સારી રચના છે. પરમાત્મા સાથે તમારી આત્માને જોડી રાખવા માટે ધર્મ શાસ્ત્રોમાં ઘણા સાધનોનો ઉલ્લેખ મળે છે. જેમાંના સાધનોમાંથી એક છે ત્રિપુંડ. ધર્મ શાસ્ત્રો મુજબ ત્રિપુંડમાં 27 દિવ્ય શક્તિઓનો વાસ હોય છે. 

ત્રણ રેખાઓમાં ત્રિલોકીનાથની શક્તિ, ખૂબ શક્તિશાળી છે ત્રિપુંડ

સાધુ-સંતો, તપસ્વીઓ અને પંડિતોના માથા પર ચંદન અથવા ભસ્મમાંથી બનેલી ત્રણ રેખાઓ કોઈ સાધારણ રેખાઓ હોતી નથી. લલાટ પર બનાવવામાં આવેલી આ ત્રણ રેખાઓમાં દેવી-દેવતાઓની શક્તિ સમાયેલી રહે છે અને આ ત્રણ શક્તિશાળી રેખાઓને ત્રિપુંડ કહે છે. ત્રિપુંડ ધાર્મિકક આસ્થાની સાથે ઈશ્વરની ભક્તિમાં લીન થવુ અને તેનાથી અદભૂત શક્તિ મેળવવાનુ એક માધ્યમ છે. કપાળ પર ચમકતી આ તેજસ્વી રેખાઓનો મહિમા ખૂબ ખાસ છે. 

ત્રિપુંડનો મહિમા 

માથા પર ચંદન અને ભસ્મમાંથી બનાવેલી ત્રણ રેખાઓ ત્રિપુંડ કહેવાય છે. ચંદન અથવા ભસ્મ દ્વારા ત્રણ આંગળીઓની મદદથી ત્રિપુંડ બનાવવામાં આવે છે. લલાટની આ ત્રણ રેખાઓમાં 27 દેવોનો વાસ હોય છે. દરેક રેખામાં 9 દેવતાઓનો વાસ હોય છે. ત્રિપુંડ ધારણ કરનારા લોકો પર શિવની વિશેષ કૃપા હોય છે. ત્રિપુંડ પરમબ્રહ્મની શક્તિનુ સૂચક છે.