સવાલ / પગમાં કેમ સોનાના આભૂષણ નથી પહેરાતા ? આ છે વૈજ્ઞાનિક અને ધાર્મિક કારણ

• મહિલાઓ પગમાં કેમ નથી પહેરતી સોનુ
• ધાર્મિક અને વૈજ્ઞાનિક કારણ જાણો
• હિન્દુ ધર્મમાં સોનુ પગમાં પહેરવુ વર્જીત છે

મહિલાઓને સોનુ ખુબ પસંદ હોય છે અને તે ઇચ્છે છે કે તેના બધા ઘરેણા સોનાના હોય. માથાથી લઇને કમર સુધી તે સોનાના ઘરેણા પહેરે છે પરંતુ તે પગમાં ચાંદીના નૂપુર પહેરે છે. શું તમને ખબર છે મહિલાઓ પગમાં કેમ સોનાના ઘરેણા નથી પહેરતી. 

આયુર્વેદમાં એક કહેવત છે કે પગ ગરમ, પેટ નરમ, અને માથુ ઠંડુ હોવુ જોઇએ. આ એક વ્યક્તિના શ્રેષ્ઠ સ્વાસ્થ્યના લક્ષણ છે. જો ઘરેણાની વાત કરીએ તો સોનુ ગરમ અને ચાંદી ઠંડી પ્રકૃતિ ધરાવે છે. શરીરમાં ઉર્જાનો પ્રવાહ નીચેથી ઉપરની તરફ હોય છે માટે પગમાં ચાંદી પહેરવામાં આવે છે. આ ઠંડક નીચેથી ઉપર જાય છે માટે ઉપરના શરીરના ભાગમાં સોનુ પહેરવામાં આવે છે. 

તેનાથી માથુ ઠંડુ થઇ જાય છે અને પગ ગરમ રહે છે. આવામાં મહિલાઓ તમામ પ્રકારની બિમારીઓમાંથી બચી જાય છે. જો તે આખા શરીરમાં સોનુ પહેરશે તો તેમનું શરીર ઠંડુ નહી રહે અને પરેશાનીઓનો સામનો નહી કરવો પડે. તે સિવાય ચાંદીના આભુષણ ચાલતા કે કામ કરતા સમયે પગ સાથે રગડાય છે. જેનાથી હાડકા મજબૂત બને છે. પહેલાના સમયમાં પુરુષ અને સ્ત્રીઓ બંને આભુષણ પહેરતા હતા પરંતુ આજકાલ આ ચલણ મહિલાઓ સુધી જ સિમિત રહ્યું છે. 

આ છે ધાર્મિક કારણ 
 ધાર્મિક રૂપથી ભગવાન નારાયણને પીળો રંગ અતિપ્રિય છે. જેના કારણે સોનુ તેમની પ્રિય ધાતુ છે અને જો તેને પગમાં ધારણ કરીએ તો માતા લક્ષ્મી અને વિષ્ણુનુ અપમાન માનવામાં આવે છે. હિન્દુશાસ્ત્રમાં પગમાં સોનુ ન પહેરવા માટે કહેવામાં આવ્યુ છે. આવું કરવાથી લક્ષ્મી રૂઠી જાય છે અને વ્યક્તિને આર્થિક સંકટનો સામનો કરવો પડે છે.