કારણ / શું તમને ક્લીન શેવ રહેવાનું પસંદ છે, તો જાણો દરરોજ શેવિંગ કરવાના નુકસાન

જો તમને દરરોજ શેવિંગ કરવાની આદત છે તો તમારે આ સમાચાર વાંચવા જોઇએ. અહીંયા અમે તમને કેટલીક એવી ભૂલો માટે જણાવી રહ્યા છીએ જે શેવિંગ કરતી વખતે મોટાભાગે દરેક પુરુષ કરે છે. જે ચહેરાની સ્કીનને નુકસાન પહોંચાડે છે. ચલો તો જાણીએ દરરોજ શેવિંગ કરવાથી કેવી રીતે ચહેરાને નુકસાન પહોંચે છે. 

જો તમે દરરોજ શેવિંગ કરો છો તો તમને ખબર હોવી જોઇએ કે શેવિંગ તમારા ચહેરાનું નેચરલ ઓઇલ ખતમ કરે છે. જેના કારણે તમારો ચહેરો ડ્રાય થઇ શકે છે. દરરોજની જગ્યાએ તમારે સપ્તાહમાં 5 દિવસ જ શેવિંગ કરવું જોઇએ. માત્ર 2 દિવસ તમારે તમારી સ્કીનને રેઝરથી દૂર રાખવાની છે. 

જો તમે શેવિંગ કરી રહ્યા છો તો મોં ધોવા માટે માત્ર નવશેકા પાણીનો ઉપયોગ કરો. તમારે શેવિંગ દરમિયાન નવશેકા પાણીનો જ ઉપયોગ કરવો જોઇએ. તમારે ક્યારેય તમારો ફેસ ધોવા માટે ઠંડા પાણીનો ઉપયોગ કરવો જોઇએ નહીં. કારણ કે એના કારણે તમારા ચહેરા પરના છિદ્રો સંકોચાઇ જાય છે. જેના કારણે તમને શેવિંગ કરવામાં ખૂબ જ સમસ્યા થવા લાગે છે. 

નવશેકા પાણીથી મોઢું ધોયા બાદ તમારા ચહેરા પર મોઇશ્ચરાઇઝર જરૂરથી લગાવવું જોઇએ, જેમાં ગ્લિસરીનના ગુણ હોય, સ્મૂથ શેવિંગ થશે અને સ્કીનમાં ઇરિટેશન અને બળતતરા થશે નહીં. 

હંમેશા તમારી દાઢીને સાચી અને એક જ દિશામાં શેવ કરો. જો તમે વિપરીત દિશામાં શેવ કરો છો તો આ હેર ફોલિકલને નુકસાન પહોંચાડવાની સાથે ચહેરા પર એના કારણે દાણા થઇ શકે છે. શેવ હંમેશા હલ્કા હાથથી જ કરો. 

સમયાંતરે બ્લેડ ચેન્જ કરો. જો બ્લેડ પર ગ્રીન, બ્લૂ સ્ટ્રિપ જોવા મળી રહી છે તો નવી બ્લેડનો ઉપયોગ કરો. દરેક સ્ટ્રોક બાદ બ્લેડ પાણીમાં ડુબાડવી જોઇએ, કેમ કે આગળનો સ્ટ્રોક સ્મૂથ રહે. 

શેવિંગ બાદ તહેરા પર લોશન નહીં શેવ બામનો પ્રયોગ કરો. આ અલ્કોહોલ ફ્રી છે અને એમાં સાઇડ ઇફેક્ટ્સ પણ ઓછી છે.