6 ફોટો ગેલેરી

Refrigerator Tips / ફ્રિજની પાછળ લાગેલી કાળી જાળીનું કામ શું છે? ઠંડક જાળવવાથી લઈને ગરમી બહાર કાઢવા સુધીનું શું છે કનેક્શન? જાણો આ જાળીનું મહત્વ

Last Updated: 04:37 PM, 30 September 2026

FOLLOW ON

શેર કરો

ફ્રિજની પાછળ આવેલી કાળી જાળી કે પાઇપ જેવી રચનાને 'કન્ડેન્સર કોઇલ' (Condenser Coil) કહેવામાં આવે છે, જે ફ્રિજની અંદરની ગરમી બહાર કાઢવાનું મહત્વનું કામ કરે છે.

1/6

1. ફ્રિજની પાછળ લાગેલી કાળી જાળીનું કામ શું છે? ઠંડક જાળવવાથી લઈને ગરમી બહાર કાઢવા સુધીનું શું છે કનેક્શન? જાણો આ જાળીનું મહત્વ

ઘરમાં રાખેલું ફ્રિજ આગળથી ગમે તેટલું ચમકતું અને સાફ દેખાતું હોય, પણ શું તમે ક્યારેય તેની પાછળના ભાગે ધ્યાન આપ્યું છે? ફ્રિજની પાછળ કાળી જાળી અથવા વાંકીચૂકી પાઇપ જેવી રચના જોવા મળે છે. સામાન્ય રીતે લોકો તેને ફ્રિજની ડિઝાઇન કે સામાન્ય બોડી પાર્ટ સમજીને નજરઅંદાજ કરી દે છે. પરંતુ વાસ્તવમાં આ જાળી ફ્રિજ સિસ્ટમનો સૌથી મહત્વપૂર્ણ ભાગ છે.

આ તસવીર શેર કરો

2/6

2. શું હોય છે આ કાળી જાળી અને શું છે તેનું કામ?

ટેકનિકલ ભાષામાં ફ્રિજની પાછળ દેખાતી આ જાળીને કન્ડેન્સર કોઇલ (Condenser Coil) કહેવામાં આવે છે. ફ્રિજની અંદર મુકેલી વસ્તુઓને ઠંડી રાખવા માટે તેની અંદર 'રેફ્રિજરન્ટ' નામનું ખાસ લિક્વિડ સતત ફરતું રહે છે. આ પ્રક્રિયા દરમિયાન ફ્રિજના અંદરના ભાગમાંથી જે ગરમી શોષાય છે, તેને બહાર ફેંકવી જરૂરી બને છે. કન્ડેન્સર કોઇલ આ ગરમીને બહારની હવામાં મુક્ત કરવાનું કામ કરે છે. હાલમાં આવતા કેટલાક નવા મોડેલ્સમાં આ કોઇલ બહાર ખુલ્લી જોવા નથી મળતી, પરંતુ તેને ફ્રિજની બોડીની અંદર કે નીચેના ભાગમાં પેક કરવામાં આવે છે.

આ તસવીર શેર કરો

3/6

3. જાળી પર ધૂળ કેમ જમા થાય છે?

સામાન્ય રીતે ફ્રિજ દીવાલની એકદમ નજીક મુકેલું હોય છે, જેના કારણે પાછળના ભાગે હવાની અવરજવર મર્યાદિત રહે છે. સમય જતાં ત્યાં ધૂળ અને માટીના કણો જમા થવા લાગે છે. જો ફ્રિજ રસોડામાં રાખેલું હોય તો તેલ અને ચીકાશની સાથે ધૂળ ભળીને એક ઘટ્ટ પડ બનાવી દે છે. ઉપરાંત, ઘરમાં પાલતુ પ્રાણીઓ હોય તો તેમના વાળ પણ આ જાળીમાં ચોંટી જાય છે.

આ તસવીર શેર કરો

4/6

4. કોઇલ ગંદી થાય તો શું સમસ્યા સર્જાય?

જ્યારે કન્ડેન્સર કોઇલ પર ધૂળનું જાડું પડ જમી જાય છે, ત્યારે ફ્રિજ માટે અંદરની ગરમી બહાર ફેંકવી મુશ્કેલ બની જાય છે. તેના કારણે, યોગ્ય કૂલિંગ જાળવી રાખવા માટે કોમ્પ્રેસર અને કૂલિંગ સિસ્ટમને બેગણી મહેનત કરવી પડે છે, જેથી લાઈટબિલ વધારે આવી શકે છે. ગરમી બહાર ન નીકળી શકવાને કારણે ફ્રિજની બોડી વધુ ગરમ થવા લાગે છે. લાંબા ગાળે ફ્રિજના અન્ય ઈલેક્ટ્રિકલ સ્પેરપાર્ટ્સ પર વધારાનું દબાણ આવે છે અને તેના મશીનરી આયુષ્ય પર અસર પડે છે.

આ તસવીર શેર કરો

5/6

5. ઘરે સાફ કેવી રીતે કરી શકાય?

જો તમારા ફ્રિજના પાછળના ભાગે ખુલ્લી કન્ડેન્સર કોઇલ દેખાતી હોય, તો તમે નીચે મુજબની સાવધાની રાખીને તેને સાફ કરી શકો છો. સાફ-સફાઈ શરૂ કરતા પહેલા ફ્રિજનું સ્વિચબોર્ડમાંથી કનેક્શન બંધ કરી પ્લગ બહાર કાઢી લો. કોઇલ પર જામેલી ધૂળ સાફ કરવા માટે નરમ બ્રશ કે વેક્યૂમ ક્લીનરનો ઉપયોગ કરવો. ફ્રિજના પાછળના ભાગે કે ઇલેક્ટ્રિક પાઇપ પર ક્યારેય પાણી રેડીને સફાઈ ન કરવી. સફાઈ કરતી વખતે વાયર કે કોઇલના જોડાણો ખેંચાઈ ન જાય તેનું ખાસ ધ્યાન રાખવું. જો ફ્રિજની કોઇલ કવર થયેલી હોય કે અંદરના ભાગમાં હોય, તો તેને જાતે ખોલવાનો પ્રયાસ કરવાને બદલે સર્વિસ મેન્યુઅલ વાંચવું અથવા કોઈ અધિકૃત ટેકનિશિયનની મદદ લેવી.

આ તસવીર શેર કરો

6/6

6. ફ્રિજને દીવાલથી એકદમ અડીને ન રાખવું

માત્ર સફાઈ જ નહીં, પરંતુ ફ્રિજ ગોઠવતી વખતે પણ કાળજી લેવી જરૂરી છે. ફ્રિજને દીવાલથી ઓછામાં ઓછું 3 થી 4 ઇંચ દૂર રાખવું જોઈએ જેથી ગરમ હવા મુક્તપણે બહાર નીકળી શકે. માટે હવેથી જ્યારે પણ ફ્રિજ સાફ કરો, ત્યારે માત્ર દરવાજા, શેલ્ફ કે અંદરના બોક્સ સાફ કરીને અટકી ન જતાં, ફ્રિજની પાછળ પણ એક નજર ચોક્કસ નાખો!

આ તસવીર શેર કરો

સંકળાયેલા મુદ્દાઓ

CondenserCoil FridgeMaintenance RefrigeratorTips