મેરઠ / પતિના ટુકડા કરીને વાદળી ડ્રમમાં મૂકનારી મેરઠની મુસ્કાન-સાહિલ દોષી જાહેર, કોર્ટનો ચુકાદો

મેરઠના ભયાનક 'બ્લુ ડ્રમ કેસ', સૌરભ રાજપૂત હત્યા કેસમાં કોર્ટે આરોપી મુસ્કાન અને તેના પ્રેમી સાહિલને દોષી જાહેર કર્યાં છે. સૌરભની પત્ની મુસ્કાન રસ્તોગી અને તેનો પ્રેમી સાહિલ શુક્લા આ સનસનાટીભર્યા કેસમાં મુખ્ય આરોપી છે. છેલ્લા 13 મહિનાથી ચાલી રહેલી લાંબી ન્યાયિક પ્રક્રિયા દરમિયાન, કુલ 126 લોકો હાજર થયા હતા અને ફરિયાદ પક્ષ દ્વારા 22 મહત્વપૂર્ણ સાક્ષીઓને કોર્ટમાં રજૂ કરવામાં આવ્યા હતા. કોર્ટ હવે બન્ને દોષીઓને સજાની જાહેરાત કરશે.

જજે મુસ્કાનને શું કહ્યું?

સુનાવણી દરમિયાન, બંને આરોપીઓ, મુસ્કાન અને સાહિલ, વીડિયો કોન્ફરન્સિંગ દ્વારા જોડાયા. ચુકાદો આપતા પહેલા, ન્યાયાધીશે મુસ્કાનને પૂછ્યું, "આજે ચુકાદાનો દિવસ છે. મુસ્કાન, તમને કેવું લાગે છે? અમે જે કરવાનું હતું તે કરી નાખ્યું છે. અમે આજે સજા સંભળાવીશું નહીં. તમને કેવું લાગે છે?" ન્યાયાધીશે ઉમેર્યું કે ગુનો સમાજમાં ભયનું વાતાવરણ બનાવે છે. તેમણે મુસ્કાનને કહ્યું કે સજા શું હોવી જોઈએ તે તે નક્કી કરશે.

મુસ્કાનની દીકરી સાથે અમારો કોઈ સંબંધ નથી'

સૌરભ હત્યા કેસમાં સજા સંભળાવવામાં આવે તે પહેલાં સૌરભની માતા રેણુ દેવી કોર્ટમાં પહોંચી હતી અને આરોપી મુસ્કાન અને સાહિલ બંને માટે મૃત્યુદંડની માંગણી કરી હતી. મુસ્કાનના નવજાત બાળક વિશે પૂછવામાં આવતા તેમણે કહ્યું, "તે બાળક સાહિલનું છે; અમારે તેની સાથે કોઈ લેવાદેવા નથી.

વધુ વાંચો : લગ્નમાં ભેટ તરીકે મળ્યું 10 લાખ રોકડા ભરેલું કવર, ઉડી ગયા દુલ્હાના હોશ, સુહાગરાતે જ ચિંતા

શું હતો આખો બનાવ?

આ કેસ 3 માર્ચ, 2025ના દિવસે મુસ્કાન અને સાહિલે સૌરભ રાજપૂતની હત્યા કરી, તેના શરીરને ટુકડા કરી, વાદળી ડ્રમમાં પેક કરી, સિમેન્ટથી ભરી અને સીલ કરી દીધા હતા. ભયાનક હત્યાના 15 દિવસ પછી, પોલીસે બંનેની ધરપકડ કરી અને જેલમાં મોકલી દીધા. જુલાઈ 2025માં જિલ્લા ન્યાયાધીશની કોર્ટમાં ટ્રાયલ શરૂ થઈ. પોલીસે લગભગ 1,૦૦૦ પાનાની ચાર્જશીટ દાખલ કરી અને ૨૨ થી વધુ સાક્ષીઓના નિવેદનો નોંધાયા. લાંબી સુનાવણી અને અંતિમ દલીલો પછી, કોર્ટે 18 સપ્ટેમ્બરે પોતાનો ચુકાદો અનામત રાખ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ