ક્રાઈમ / જુનાગઢમાં 9 વર્ષની બાળકી સાથે દુષ્કર્મ, વિધર્મીએ ઘરે લઈ જઈને 3 વાર કુકર્મ કર્યું

જુનાગઢ શહેરમાં માસૂમ બાળકીની સુરક્ષાને લઈને ચકચાર મચાવતી ગંભીર ઘટના સામે આવી છે. 9 વર્ષની બાળકી સાથે દુષ્કર્મ આચર્યાની ફરિયાદ બાદ જુનાગઢ ‘A’ ડિવિઝન પોલીસે 66 વર્ષીય અફઝલ શેખની ધરપકડ કરી છે... પોલીસના જણાવ્યા મુજબ આરોપી વાહનોમાં કલર-પેઇન્ટિંગનું કામ કરે છે અને તહેવાર નિમિત્તે ખૈરાત આપવાની લાલચ આપી બાળકીને પોતાની સાથે લઈ ગયો હતો... ફરિયાદ મુજબ એક મહિનામાં ત્રણ વખત બાળકીને ઘરે લઈ જઈ દુષ્કર્મ આચર્યાનો આરોપ છે... સમગ્ર મામલે પોલીસે મોબાઈલ કબજે કરી સાયબર તપાસ પણ શરૂ કરી છે.

ખૈરાત આપવાની લાલચ આપીને ઘરે લઈ ગયો

જુનાગઢના ‘A’ ડિવિઝન પોલીસ સ્ટેશન વિસ્તારમાં સામે આવેલી આ ગંભીર ઘટનાએ ચકચાર મચાવી છે. પોલીસ ફરિયાદ મુજબ ગરીબ પરિવારની 9 વર્ષની બાળકીને તહેવાર નિમિત્તે ખૈરાત આપવાની લાલચ આપી આરોપી અફઝલ શેખ પોતાની સાથે લઈ ગયો હતો...પોલીસ તપાસ મુજબ છેલ્લા એક મહિનામાં આરોપી ત્રણ વખત બાળકીને પોતાના ઘરે લઈ ગયો હોવાનો આરોપ છે... ફરિયાદમાં બાળકીને ઘરમાં પૂરી છરી બતાવી જાનથી મારી નાખવાની ધમકી આપી વારંવાર દુષ્કર્મ આચર્યાનો પણ ઉલ્લેખ કરવામાં આવ્યો છે...મામલો સામે આવતા પોલીસે તાત્કાલિક કાર્યવાહી કરી 66 વર્ષીય અફઝલ શેખની ધરપકડ કરી છે... આરોપીના મોબાઈલ ફોનને પણ પોલીસે કબજે લીધો છે અને મોબાઈલ ડેટાની તપાસ માટે સાયબર ક્રાઈમ ટીમની મદદ લેવામાં આવી રહી છે.

મોબાઈલમાંથી પોર્નોગ્રાફી જોતો હતો

પોલીસના જણાવ્યા મુજબ આરોપીના મોબાઈલમાંથી એડલ્ટ કન્ટેન્ટ અને પોર્નોગ્રાફી સર્ચ સંબંધિત ડેટા મળ્યો છે... જોકે મોબાઈલ ડેટા અને સમગ્ર ઘટનાની હકીકત અંગે સાયબર ટીમ દ્વારા વધુ તપાસ કરવામાં આવી રહી છે...આરોપીના મોબાઈલમાં રહેલા ડિલીટ થયેલા ફોટો અને વીડિયોનો ડેટા રિકવર કરવાની પ્રક્રિયા પણ હાથ ધરવામાં આવી છે... સર્ચ હિસ્ટ્રી, મોબાઈલ ડેટા અને અન્ય ટેકનિકલ વિગતોના આધારે પોલીસ તપાસ આગળ ધપાવી રહી છે...પોલીસના જણાવ્યા મુજબ આરોપી અગાઉ છ વખત લગ્ન કરી ચૂક્યો હોવાનું પણ તપાસમાં સામે આવ્યું છે.

આ પણ વાંચો : CM ભૂપેન્દ્ર પટેલની અધ્યક્ષતામાં આજે કેબિનેટ બેઠક, વરસાદની સ્થિતિ અને વાઇબ્રન્ટ ગુજરાતના આયોજન સુધીના મુદ્દે થશે ચર્ચા

પોલીસે તપાસી રહી છે આરોપીનો ઈતિહાસ

હવે પોલીસે એ દિશામાં પણ તપાસ શરૂ કરી છે કે આરોપીએ અગાઉ અન્ય કોઈ બાળકી કે મહિલા સાથે આ પ્રકારનું કૃત્ય કર્યું છે કે કેમ...સમગ્ર ઘટનાને લઈને જૂનાગઢ પોલીસે નાગરિકોને અપીલ કરી છે... જો કોઈ અન્ય બાળકી કે મહિલા આ શખ્સનો ભોગ બની હોય તો ડર્યા કે ગભરાયા વગર પોલીસનો સંપર્ક કરવા જણાવાયું છે. જૂનાગઢના DYSP હિતેશ ધાંધલિયાના જણાવ્યા મુજબ, અગાઉ કોઈ વ્યક્તિ સાથે આ પ્રકારનો બનાવ બન્યો હોય તો તેઓ અથવા તેમના પરિવારજનો આગળ આવી ‘A’ ડિવિઝન પોલીસ સ્ટેશનનો સંપર્ક કરી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ