રાજનીતિ / પરિમલ નથવાણીના પુત્ર ધનરાજ નથવાણીએ UPથી રાજ્યસભામાં ફોર્મ ભર્યું

ઉત્તર પ્રદેશના રાજકારણમાં આજે ગુજરાતના એક જાણીતા નામની એન્ટ્રી થઈ છે. ગુજરાતના ધનરાજ નાથવાણીએ ઉત્તર પ્રદેશથી રાજ્યસભા ચૂંટણી માટે સમાજવાદી પાર્ટીના ઉમેદવાર તરીકે પોતાનું ઉમેદવારી ફોર્મ ભરી દીધું છે. સવારે 11 વાગ્યે તેમણે ઉમેદવારી પત્ર ભર્યું હતું. ધનરાજ નાથવાણીના રાજ્યસભા ઉમેદવાર તરીકે મેદાનમાં ઉતરતાં રાજકીય વર્તુળોમાં પણ આ મુદ્દો ચર્ચાનો વિષય બન્યો છે.

રિલાયન્સ ઇન્ડસ્ટ્રીઝમાં સિનિયર ગ્રુપ પ્રેસિડેન્ટ

40 વર્ષીય ધનરાજ નાથવાણી રિલાયન્સ ઇન્ડસ્ટ્રીઝમાં સિનિયર ગ્રુપ પ્રેસિડેન્ટ તરીકે જવાબદારી સંભાળી રહ્યા છે. કોર્પોરેટ ક્ષેત્રમાં પોતાની ભૂમિકા ઉપરાંત તેઓ ગુજરાતમાં વેપાર, રમતગમત અને સાંસ્કૃતિક ક્ષેત્રે પણ સક્રિય વ્યક્તિત્વ ધરાવે છે. ખાસ કરીને યુવા પ્રતિભાઓને પ્રોત્સાહન આપવા માટે તેઓ જાણીતા છે. ધનરાજ નાથવાણી ગુજરાતના જાણીતા પરિવાર સાથે જોડાયેલા છે. તેઓ વરિષ્ઠ સાંસદ પરિમલભાઈ નાથવાણીના પુત્ર છે. પરિવારની જાહેર જીવન સાથેની લાંબી જોડાણની પૃષ્ઠભૂમિ વચ્ચે હવે ધનરાજ નાથવાણીએ પોતે પણ સંસદીય રાજકારણમાં પ્રવેશ માટે પગલું ભર્યું છે.

સમાજવાદી પાર્ટીએ તેમને ઉમેદવાર બનાવ્યા

ઉત્તર પ્રદેશથી રાજ્યસભા ચૂંટણી માટે સમાજવાદી પાર્ટીએ તેમને ઉમેદવાર બનાવ્યા છે. ઉમેદવારી ફોર્મ ભરવાની સાથે હવે તેઓ સત્તાવાર રીતે ચૂંટણી પ્રક્રિયામાં જોડાઈ ગયા છે. ઉત્તર પ્રદેશની રાજ્યસભાની બેઠકો માટેની ચૂંટણીને ધ્યાનમાં રાખીને ધનરાજ નાથવાણીની ઉમેદવારીને મહત્વપૂર્ણ રાજકીય ઘટનાક્રમ તરીકે જોવામાં આવી રહી છે.

આ પણ વાંચો : ધનરાજ નથવાણી બનશે યુપીથી રાજ્યસભાના સાંસદ, સમાજવાદી પાર્ટીએ બનાવ્યા ઉમેદવાર

ઓળખ માત્ર કોર્પોરેટ ક્ષેત્ર સુધી મર્યાદિત

ધનરાજ નાથવાણીની ઓળખ માત્ર કોર્પોરેટ ક્ષેત્ર સુધી મર્યાદિત નથી. ગુજરાતમાં તેઓ વેપાર, રમતગમત અને સાંસ્કૃતિક પ્રવૃત્તિઓ સાથે પણ સક્રિય રીતે જોડાયેલા રહ્યા છે. યુવા પ્રતિભાઓને આગળ વધારવા અને તેમને યોગ્ય તક મળે તે માટેના પ્રયાસોને કારણે પણ તેઓ ચર્ચામાં રહ્યા છે. હવે ઉત્તર પ્રદેશથી રાજ્યસભા માટે ઉમેદવારી ફોર્મ ભરી દીધા બાદ ધનરાજ નાથવાણીની આગળની રાજકીય સફર પર સૌની નજર રહેશે. એક તરફ રિલાયન્સ ઇન્ડસ્ટ્રીઝમાં સિનિયર ગ્રુપ પ્રેસિડેન્ટ તરીકેની તેમની કોર્પોરેટ ભૂમિકા છે, તો બીજી તરફ હવે તેઓ સંસદીય રાજકારણમાં પ્રવેશ માટે ચૂંટણી મેદાનમાં ઉતર્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ