લોકસભા ચૂંટણી 2024 / કોણ છે તરનજીત સિંહ સંધૂ, જેઓ અમેરિકામાં રહી ચૂક્યાં છે પૂર્વ રાજદૂત, હવે કર્યા કેસરિયા

લોકસભા ચૂંટણીનું બ્યુગલ વાગી ગયું છે અને તમામ પક્ષો ધીમે ધીમે પોતપોતાના પત્તા ખોલી રહ્યા છે. એવામાં ભારતીય જનતા પાર્ટી (BJP) પંજાબમાં પાર્ટીના વિસ્તરણ અભિયાનમાં સતત વ્યસ્ત છે અને મંગળવારે પાર્ટીને વધુ એક સફળતા મળી હતી. 

#WATCH | India's former Ambassador to the US, Taranjit Singh Sandhu joins the BJP, in Delhi. pic.twitter.com/krYAqi0FjX

— ANI (@ANI) March 19, 2024

વાત એમ છે કે અમેરિકામાં ભારતના રાજદૂત રહેલા ભૂતપૂર્વ IFS અધિકારી તરનજીત સિંહ સંધુ ભાજપમાં જોડાયા છે અને ભાજપને આશા છે કે તરનજીત સિંહ સંધુના સામેલ થવાથી પંજાબમાં પાર્ટી વધુ મજબૂત બનશે. જાણીતું છે કે તરનજીત સિંહ સંધુ અમેરિકામાં ભારતનો અવાજ રહ્યા છે અને તેમની પારિવારિક પૃષ્ઠભૂમિ કોંગ્રેસની રહી છે.

અમેરિકામાં પૂર્વ ભારતીય રાજદૂત તરનજીત સિંહ સંધુ સોમવારે ભાજપમાં જોડાયા હતા અને માનવામાં આવી રહ્યું છે કે ભાજપ તેમને અમૃતસરથી ઉમેદવાર બનાવી શકે છે. બીજેપીમાં જોડાયા પછી, યુએસમાં ભૂતપૂર્વ ભારતીય રાજદૂત તરનજીત સિંહ સંધુએ કહ્યું, "મેં છેલ્લા 10 વર્ષોમાં પીએમ મોદીના નેતૃત્વ સાથે નજીકથી કામ કર્યું છે... પીએમ મોદી વિકાસ પર ધ્યાન કેન્દ્રિત કરે છે... આજે ત્યાં ઘણું બધું છે અને ઘણો વિકાસ થઈ રહ્યો છે, હવે જરૂર છે અને આ વિકાસ અમૃતસર સુધી પહોંચવો જોઈએ."

#WATCH | Delhi: On joining BJP, Former Ambassador of India to the US Taranjit Singh Sandhu says, "There has been a transformation in India-US relations in the past 4 years. It has transformed from a relationship to a partnership. India has received investments in many areas.… pic.twitter.com/hggOBOlbzj

— ANI (@ANI) March 19, 2024

એવી ચર્ચા છે કે ભાજપ અમૃતસરથી તરનજીત સિંહ સંધુને ઉમેદવાર બનાવી શકે છે કારણ કે ભાજપે 2009થી આ સીટ જીતી નથી. પાર્ટીનું માનવું છે કે સંધુ અમૃતસરના છે અને એક સન્માનિત જાટ શીખ પરિવારમાંથી આવે છે. કોંગ્રેસ પાસેથી આ સીટ છીનવવામાં સંધુ તેમના 'હુકુમ કા ઇક્કા' સાબિત થઈ શકે છે. સાથે જ સંધુ મતદારોના વિવિધ વર્ગો સાથે જોડાવા માટે છેલ્લા ઘણા સમયથી આ મતવિસ્તારની મુલાકાત પણ લઈ રહ્યા છે. 

હવે જો આપણે તરનજીત સિંહ સંધુ વિશે વાત કરીએ તો તેઓ 1988 બેચના ભારતીય વિદેશ સેવા (IFS) અધિકારી છે અને આ વર્ષે 1 ફેબ્રુઆરીએ નિવૃત્ત થયા છે. 23 જાન્યુઆરી, 1963ના રોજ જન્મેલા સંધુએ ત્રણ વખત યુએસમાં સેવા આપી છે. તેઓ 1990ના દાયકામાં પોખરણ ટ્રાયલ દરમિયાન જુનિયર રાજદ્વારી હતા અને બાદમાં મિશનના ડેપ્યુટી ચીફ અને એમ્બેસેડર તરીકે કામ કર્યું હતું.  

વધુ વાંચો: ચૂંટણી પહેલા આ રાજ્યમાં થશે ગુજરાતવાળી! CM સહિત 50 ટકા નવા ચહેરાઓને મળશે તક, જાણો પ્લાન

સાથે જ સંધુ અમેરિકન રાજકીય અને વહીવટી માળખામાં પાર્ટી લાઇનમાં તેમના નેટવર્ક માટે જાણીતા છે, પછી તે ડેમોક્રેટ હોય કે રિપબ્લિકન. ગયા વર્ષે જૂનમાં વડા પ્રધાન નરેન્દ્ર મોદીની યુએસ મુલાકાત અને સપ્ટેમ્બરમાં યુએસ પ્રમુખ જો બાયડનની ભારત મુલાકાતના આયોજનમાં તેમણે મહત્વની ભૂમિકા ભજવી હોવાનું કહેવાય છે. 2014 અને 2016માં પીએમ મોદીની યુએસ મુલાકાત દરમિયાન સંધુએ સોશિયલ મીડિયાના પ્રભાવનો સારો ઉપયોગ કર્યો હોવાનું કહેવાય છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો