હરિયાણાના મુખ્યમંત્રી બનેલા નયાબ સિંહ સૈનીએ પદ સંભાળ્યાના એક અઠવાડિયા પછી તેમના કેબિનેટનું વિસ્તરણ કરવામાં આવ્યું હતું. હવે કેબિનેટમાં મુખ્યમંત્રીએ આઠ ધારાસભ્યોને મંત્રી બનાવ્યા છે. જાણીતું છે કે હરિયાણામાં મુખ્યમંત્રી સહિત વધુમાં વધુ 14 મંત્રીઓ હોઈ શકે છે અને મુખ્યમંત્રી સૈની અને 5 મંત્રીઓએ ગયા અઠવાડિયે શપથ લીધા હતા.
ટૂંકમાં ગઇકાલે આઠ ધારાસભ્યોએ શપથ લીધા અને ગત વખતે 5 કેબિનેટ મંત્રી બનાવવામાં આવ્યા હતા. આ રીતે હવે ડેપ્યુટી કેબિનેટમાં કુલ 13 મંત્રી બનાવવામાં આવ્યા છે. એવામાં હરિયાણામાં સીએમ સહિત કુલ 14 લોકોમાંથી આઠ નવા ચહેરા છે, જે કેબિનેટમાં 50 ટકાથી વધુ છે. આ જોઇને એમ લાગે છે કે હરિયાણામાં ગુજરાત જેવો પ્રયોગ કરવામાં આવી રહ્યો છે.
મોદી સરકારે લોકસભા અને હરિયાણા વિધાનસભાની ચૂંટણી પહેલા હરિયાણામાં ગુજરાત ફોર્મ્યુલાનું પુનરાવર્તન કર્યું હોય એવું લાગી રહ્યું છે. ગુજરાત વિધાનસભાની ચૂંટણી પહેલા, મોદી-શાહની જોડીએ ગુજરાતમાં આવો જ મોટો ફેરફાર કરીને એક મોટો રાજકીય પ્રયોગ કર્યો હતો. એ સમયે મોદી સરકારે ગુજરાતમાં વિજય રૂપાણીની જગ્યાએ ભૂપેન્દ્ર પટેલને મુખ્યમંત્રી બનાવવાનો પ્રયોગ કર્યો હતો.
આટલું જ નહીં ભૂપેન્દ્ર પટેલની કેબિનેટમાં 24 નવા ચહેરાઓને મંત્રી બનાવવામાં આવ્યા હતા. એ વાત તો જાણીતી જ છે કે ગુજરાતમાં 2017ની ચૂંટણી વિજય રૂપાણીના ચહેરા પર લડવામાં આવી હતી પરંતુ 2022ની ચૂંટણી પહેલા ભૂપેન્દ્ર પટેલને આગળ કરવામાં આવ્યા હતા.
વધુ વાંચો : લોકસભા ચૂંટણીમાં નાણાની હેરફેર પર પહેરો, IT વિભાગે શરૂ કર્યો કંટ્રોલ રૂમ, નોંધી લો નંબર
હવે જો ભાજપના આ પ્રયોગના પરિણામ વિશે વાત કરીએ તો ભા2022ની ગુજરાત વિધાનસભાની ચૂંટણીમાં ભાજપે રેકોર્ડ 156 બેઠકો જીતી હતી, જ્યારે 2017માં આ આંકડો માત્ર 115 હતો.હવે હાલની પરિસ્થિતિ જોતાં એવું લાગી રહ્યું છે કે ગુજરાતની જેમ હરિયાણામાં પણ મુખમાંત્રી અને મોટાભાગના મંત્રીઓને બદલીને ભાજપ ગુજરાત જેવો ચૂંટણી રેકોર્ડ ઈચ્છે છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
