Auto Tips / જૂની એક્ટીવા લેવી હોય કે સ્પ્લેંડર બાઈક, આ 5 ભૂલ કરી તો રૂપિયા પાણીમાં ગયા સમજો

દિવાળીની સીઝન નજીક ગઈ છે. એવામાં આપણે અહીંયા વાહન ખરીદીનું પ્રમાણ વધે છે.  બાઈક અને એક્ટિવા જેવા સ્કૂટરનું પણ ખૂબ વેચાણ થાય છે. માર્કેટમાં જૂના બાઈક અને એક્ટિવાની ડિમાંડ પણ ખૂબ છે. તેની રિસેલ વેલ્યુ પણ વધુ હોય છે. જો તમે પણ જૂનું બાઈક અથવા એક્ટિવા લેવાનું વિચારી રહ્યા હોવ તો અમુક બાબતનું ધ્યાન રાખવું જરૂરી છે. નહીં તો તે સોદો મોંઘો પડી શકે છે.

વધુ વાંચો : મધ્યમ વર્ગને રાહત! માત્ર 59,880 લોન્ચ થયું જોરદાર બાઈક, એવરેજ ચકાચક

• સર્વિસ હિસ્ટ્રી
  તમે જે પણ સેકન્ડ હેન્ડ બાઇક અથવા સ્કૂટર ખરીદવાનું વિચારી રહ્યા હોવ તો તેની સર્વિસ હિસ્ટ્રી રેકોર્ડ જરૂરથી તપાસો. તેનાથી તમે વાહન વિશે ઘણું બધું જાણી શકો છો.આ સિવાય બોડી અને અન્ય પાર્ટને પણ તપાસો. ઘણીવાર લોકો હિસ્ટ્રી રેકોર્ડની તપાસ કર્યા વગર જ ડીલ ફાઈનલ કરી દે છે જેથી બાદમાં તેમને મુશ્કેલીનો સામનો કરવો પડે છે.

• વિમાના ડોક્યુમેન્ટ તપાસો

સેકન્ડ હેન્ડ બાઇક અથવા સ્કૂટર ખરીદતી વખતે વીમો ચેક કરો. ઘણી વખત વીમો પૂરો થઈ જાય છે અને પછી કરાવતા નથી. એ પણ સુનિશ્ચિત કરો કે વીમાના ડોક્યુમેન્ટ તમારા નામે ટ્રાન્સફર થાય. ઘણી વખત ઉતાવળમાં વીમા તરફ ધ્યાન આપતા નથી અને પાછળથી સમસ્યાઓનો સામનો કરવો પડી શકે છે.

• ટુંકી રાઇડ જરૂરથી લો

તમે જે પણ બાઈક કે સ્કૂટર ખરીદવા જઈ રહ્યા છો તેની ટૂંકી રાઈડ જરૂરથી લો. શક્ય હોય તો 10-12 મિનિટ માટે રાઇડ કરો, તેનાથી તેની કન્ડીશન વિશે ખ્યાલ આવશે. રાઈડ દરમિયાન પિકઅપ, ગિયર શિફ્ટિંગ અને એક્સિલરેટર પર ફોકસ કરો. જો કોઈ ખામી જણાય તો ડીલ ન કરો. ઘણીવાર લોકો માત્ર એન્જીન ચાલુ કરીને જ વાહન ચેક કરે છે પરંતુ તે નુકશાન કરાવી શકે છે.

• મિકેનિકને પણ બતાવો

ડીલ કરતા પહેલા બાઇક અથવા સ્કૂટરને તમે જે મિકેનિકને ઓળખતા હોય તેને બતાવો. મિકેનિક પાસે વાહનનું નોલેજ હોય છે જેથી તે તમને સાચી સાલાહ આપી શકે છે.

• NOC લેવાનું ન ભૂલશો

સેકન્ડ હેન્ડ બાઇક અથવા સ્કૂટર ખરીદતી વખતે માલિક પાસેથી NOC જરૂરથી માંગી લો. તે વાતનું પણ ધ્યાનમાં રાખો કે વાહન પર કોઈ લોન તો નથી ને. સાથે તમારું પેમેન્ટથી લઈને દરેક બાબત દરેક વસ્તુ ઓન પેપર હોવું જોઈએ.