મનોરંજન / રાત્રે ત્રણ વાગ્યે સલમાન ખાનનો ફોન આવ્યો અને પછી મેં...: ગોવિંદાએ કેમ અડધી શૂટિંગ પછી છોડી દીધી હતી જુડવા ફિલ્મ?

• ફિલ્મ ‘જુડવા’ ગોવિંદાને ઓફર કરવામાં આવી હતી
• સલમાન ખાને ગોવિંદાને અડધી રાત્રે કર્યો ફોન
• એવું શું થયું કે, ગોવિંદાએ ફિલ્મ છોડી દીધી?

સલમાન ખાનની ફિલ્મ ટાઈગર 3 સિનેમાઘરોમાં ધૂમ મચાવી રહી છે. આ ફિલ્મમાં કેટરિનાનો એક્શન અવતાર જોવા મળી રહ્યો છે. મીડિયા રિપોર્ટ અનુસાર ફિલ્મ ‘જુડવા’ સલમાન ખાન પહેલા ગોવિંદાને ઓફર કરવામાં આવી હતી. ગોવિંદાએ આ ફિલ્મ માટે અડધું શુટિંગ પણ કર્યું હતું, અને આ ફિલ્મમાં કરિશ્મા કપૂર અને ગોવિંદાની જોડી જોવા મળવાની હતી. પરંતુ એવું શું થયું કે, ગોવિંદાએ ફિલ્મ છોડી દીધી?

ગોવિંદાને ઓફર કરવામાં આવી હતી આ ફિલ્મ
સલમાન ખાન અને ગોવિંદા સારા મિત્રો છે. ગોવિંદાએ એક ઈન્ટરવ્યૂમાં જણાવ્યું હતું કે, જ્યારે ફિલ્મોમાંથી કમબેક કર્યું ત્યારે સલમાન ખાને તેની મદદ કરી હતી. 1997માં રીલિઝ થયેલી ફિલ્મ જુડવા સૌથી પહેલા ગોવિંદાને ઓફર કરવામાં આવી હતી. તે સમયે તે કરિયરની ઉડાનમાં સૌથી ઉપર હતા અને બનારસી બાબુનું શુટીંગ કરી રહ્યા હતા. જેની સાથે ફિલ્મ જુડવાનું શુટિંગ પણ ચાલી રહ્યું હતું.

ગોવિંદા તે પ્રોજેક્ટમાંથી ખસી ગયા
ગોવિંદાએ આ ફિલ્મ વિશે વધુમાં જણાવ્યું કે, 'એક દિવસ રાત્રે લગભગ 2-3 વાગ્યે, સલમાને મને ફોન કર્યો અને પૂછ્યું - ચીચી ભૈયા, તમે કેટલી હિટ ફિલ્મો કરશો? આ સાંભળીને મેં પૂછ્યું– કેમ શું થયું? સલમાને કહ્યું- તમે અત્યારે પ્રોજેક્ટ 'જુડવા'નું શૂટિંગ કરી રહ્યા છો તેમાંથી દૂર ખસી જાઓ અને મને તે પ્રોજેક્ટ આપી દો.' સલમાન ખાનની આ વાત સાંભળીને ગોવિંદા તરત જ તે ફિલ્મથી દૂર થઈ ગયા હતા.

સલમાન-ગોવિંદા સારા મિત્ર છે
ગોવિંદાએ જણાવ્યું કે, 'હું જુડવા ફિલ્મનો ભાગ નહોતો પરંતુ, શરૂઆતમાં આ પ્રોજેક્ટનો ભાગ હતો. સલમાન ખાન હંમેશા મારા માટે પરિવાર જેવો રહ્યો છે. અમારું બોન્ડિંગ સારું છે. તમને જણાવી દઈએ કે ગોવિંદા અને સલમાન ખાન ઘણા સારા મિત્રો છે.