કામની વાત / WhatsApp પર હવે આંખના પલકારામાં શેર થશે સ્ટેટસ, આવ્યું નવું ફિચર, જાણો કેવી રીતે કરશે કામ?

WhatsApp યુઝર્સ માટે એક સારા સમાચાર છે. Meta એ હવે એક એવું ફીચર લોન્ચ કર્યું છે જેની મદદથી તમે કોઈપણ અન્ય એપથી સીધા WhatsApp સ્ટેટસ પર ફોટા અને વીડિયો અપલોડ કરી શકશો. આનો અર્થ એ થયો કે હવે સ્ટેટસ અપડેટ કરવા માટે વારંવાર WhatsApp ખોલવાની જરૂર રહેશે નહીં.

નવી સુવિધા કેવી રીતે કાર્ય કરશે

WABetaInfo ના રિપોર્ટ અનુસાર, આ ફીચર iOS માટે WhatsApp બીટા વર્ઝન 25.22.83 પર જોવા મળ્યું છે. જ્યારે પણ કોઈ યુઝર ફોટો કે વિડીયો શેર કરશે, ત્યારે iOS શેર શીટમાં "My Status" નો વિકલ્પ હવે દેખાશે. તેના પર ક્લિક કરવાથી, મીડિયા સીધા WhatsApp સ્ટેટસમાં ઉમેરવામાં આવશે. પહેલાં, જો કોઈ ફોટો કે વીડિયો પોસ્ટ કરવો હોય તો વોટ્સએપને ટાર્ગેટ એપ પસંદ કરવી પડતી હતી. હવે આ પ્રક્રિયા સરળ બની ગઈ છે. એપ ખોલ્યા વિના શેરશીટમાંથી સીધા જ સ્ટેટસ અપડેટ કરી શકાય છે.

આ સુવિધા કોને મળશે

આ સુવિધા હાલમાં iPhone યૂઝર્સ માટે શરુ કરાઈ છે, શરૂઆતમાં, તે ફક્ત બીટા ટેસ્ટર્સ માટે જ ઉપલબ્ધ હશે. આગામી સમયમાં, કંપની તેને બધા iOS યૂઝ્સ માટે ઉપલબ્ધ કરાવશે. આનાથી સ્ટેટસ પોસ્ટ કરવાનો અનુભવ ઝડપી અને સરળ બનશે.

વધુ વાંચો : બેન્કમાંથી લોન લેનારા લોકોને રાહત, મોદી સરકારે કર્યું આ ખાસ એલાન, બહુ કામ લાગી જશે

WhatsApp ક્યારે અપડેટ કરવું

જો તમે બીટા વર્ઝનનો ઉપયોગ કરી રહ્યા છો, તો આ ફીચર તમારા ફોનમાં પહેલાથી જ આવી શકે છે. જોકે, અન્ય યુઝર્સને આ માટે થોડી રાહ જોવી પડશે. અપડેટ રિલીઝ થતાંની સાથે જ, તમારે ફક્ત એપ સ્ટોરમાંથી WhatsApp અપડેટ કરવાનું રહેશે અને નવું ફીચર સક્રિય થઈ જશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ