નિર્ણય / બેન્કમાંથી લોન લેનારા લોકોને રાહત, મોદી સરકારે કર્યું આ ખાસ એલાન, બહુ કામ લાગી જશે

બેન્કમાંથી લોન લેવા માટે CIBIL સ્કોર મહત્વનો છે. એટલે કે જેનો આ સ્કોર સારો હોય તેને લોન તરત મળી રહે છે. CIBIL સ્કોર દર્શાવે છે તમે લોન ચુકવી શકો તેવી સ્થિતિના સદ્ધર વ્યક્તિ છો. ઘણી વાર નબળા cibil સ્કોરને કારણે લોકોને લોન લેવામાં તકલીફ પડતી હોય છે પરંતુ હવે આવા લોકોએ ચિંતા કરવાની જરુર નથી, કેન્દ્ર સરકારે તેનો ઉકેલ શોધી કાઢ્યો છે.

પહેલી વાર લોન લેતાં લોકોને રાહત

જો તમે પહેલી વાર બેંકમાંથી લોન લેવાનું વિચારી રહ્યા છો, પરંતુ ડર છે કે તમારી પાસે CIBIL સ્કોર નથી, તો હવે ચિંતા કરવાની કોઈ જરૂર નથી. કેન્દ્ર સરકારે પોતે સ્પષ્ટતા કરી છે કે આવા અરજદારોને લોન આપવાનો ઇનકાર કરી શકાતો નથી.

શું બોલ્યાં કેન્દ્રીય નાણા મંત્રી

નાણા રાજ્યમંત્રી પંકજ ચૌધરીએ તાજેતરમાં સંસદમાં એક મહત્વપૂર્ણ માહિતી આપી હતી અને કહ્યું હતું કે રિઝર્વ બેંક ઓફ ઇન્ડિયા (RBI) એ બેંકો અને નાણાકીય સંસ્થાઓને સ્પષ્ટ સૂચના આપી છે કે પહેલી વાર લોન માંગતા ગ્રાહકોને ફક્ત એટલા માટે નકારવામાં ન આવે કારણ કે તેમનો ક્રેડિટ સ્કોર ઓછો છે અથવા તેમનો કોઈ ક્રેડિટ ઇતિહાસ નથી.

CIBIL સ્કોર શું છે?

CIBIL સ્કોર એ ત્રણ-અંકનો આંકડો છે જે તમારી નાણાકીય વિશ્વસનીયતા દર્શાવે છે. આ સ્કોર સામાન્ય રીતે 300 થી 900 સુધીનો હોય છે અને તે દર્શાવે છે કે તમે અગાઉ લીધેલી લોન અથવા ક્રેડિટ કાર્ડ કેટલી પ્રામાણિકપણે ચૂકવી છે. જોકે આ સ્કોર ઘણી જગ્યાએ જરૂરી માનવામાં આવે છે, RBI ના નિર્દેશો અનુસાર, પહેલી વાર લોન લેનારાઓ માટે તેને ફરજિયાત બનાવી શકાતું નથી.

બેંકોને ચેતવણી: ફક્ત સ્કોરના આધારે નકારશો નહીં

મંત્રી પંકજ ચૌધરીએ 6 જાન્યુઆરીએ જારી કરાયેલ RBIના માસ્ટર નિર્દેશને ટાંકીને કહ્યું કે કોઈપણ બેંક કે લોન સંસ્થા એમ કહી શકે નહીં કે ક્રેડિટ સ્કોર વગરની વ્યક્તિને લોન આપવામાં આવશે નહીં. બેંકોએ અરજદારોનું મૂલ્યાંકન તેમની પૃષ્ઠભૂમિ, આવક, વર્તમાન નાણાકીય સ્થિતિ અને ચુકવણી ક્ષમતાના આધારે કરવું જોઈએ.

સ્કોર તપાસો પરંતુ અંતિમ નિર્ણય તેના પર આધારિત નહીં

મંત્રીએ કહ્યું કે ક્રેડિટ સ્કોરને સંપૂર્ણપણે અવગણી શકાય તેમ પણ નથી. બેંકોએ અરજદારના વ્યવહારો, બાકી ચૂકવણીઓ, કોઈપણ અગાઉના ડિફોલ્ટ અથવા ખરાબ લોન વિશે માહિતી મેળવવી આવશ્યક છે. લોન સુરક્ષા અને નાણાકીય તકેદારી માટે આ જરૂરી છે.

વધુ વાંચો : રાજેશ CM રેખા ગુપ્તા પર છરીથી હુમલો કરવાનો હતો પણ પ્લાન પડતો મૂક્યો, આપ્યું હેરાનીભર્યું કારણ

100 રુપિયામાં મળી જશે ક્રેડિટ બ્યુરો રિપોર્ટ

મંત્રીએ કહ્યું કે ક્રેડિટ બ્યુરો ક્રેડિટ રિપોર્ટ મેળવવા માટે મહત્તમ ₹ 100 ચાર્જ કરી શકે છે. એટલે કે જો તમે તમારો સ્કોર જાણવા માંગતા હો, તો આ સુવિધા સસ્તા દરે ઉપલબ્ધ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ