ફેસબુક / વોટસએપના પૂર્વ સહસ્થાપક બ્રાયન એકટને આ કારણોથી લોકોને ફેસબુક ડિલીટ કરવાની અપીલ કરી

• યુઝર્સની પ્રાઇવેસીમાં છેડછાડ કરવા માટે એકટનની અપીલ
• એકટને જાહેરમાં ફેસબુક સાથેના મતભેદોનો સ્વીકાર કર્યો

ઉલ્લેખનીય છે કે યુઝર્સની પ્રાઇવેસીમાં છેડછાડ કરવા માટે ફેસબુક પર છેલ્લા કેટલાક સમયથી ખુબ માછલા ધોવાઇ રહ્યા છે. એક્ટને કહ્યું કે તે ફેસબુક છોડવાની અપીલ પર મક્ક્મ  છે.ગત માર્ચની શરૂઆતમાં તેમણે જાહેરમાં ફેસબુક સાથેના તેમના મતભેદોનો સ્વીકાર કર્યો હતો. સ્ટેનફોર્ડ યુનિવર્સિટીના વિદ્યાર્થીઓને સંબોધતા બ્રાયને તેમને પણ ફેસબુક એકાઉન્ટ્સ ડિલીટ કરવાની સલાહ આપી હતી.તેમણે ઝકરબર્ગને પોતાની કંપની વોટ્સએપ વેચવાના કારણો પણ પ્રથમ વખત જણાવ્યા હતા.બ્રાયને કહ્યું કે  આખરે મેં મારી કંપની વેચી દીધી. વોટસએપની સાથે મેં મારા યુઝર્સની પ્રાઇવેસીને પણ વેચી દીધી છે. મેં આમ કરીને એક ભુલભરેલું સમાધાન કર્યું હતું.તે ભુલના અહેસાસ સાથે હવે હું જીવુ છું.બ્રાયન એક્ટને જેન કૌમ સાથે મળીને વોટસએપ શરૂ કર્યું હતું, પરંતુ 2014માં ફેસબુકે તેને 22 અબજ ડોલરમાં હસ્તગત કર્યું હતું. પરંતુ બાદમાં બ્રાયનને વોટસએપના મેસેજના એન્ક્રિપ્શન સહિતના મુદ્દે માર્ક ઝકરબર્ગ અને ફેસબુકના અન્ય સંચાલકો સાથે મતભેદ થયા હતા. તેમણે ફેસબુક સાથે છેડો ફાડીને 85 અબજ ડોલરની જંગી રકમ પણ જતી કરી હતી.