મહીસાગર / જેનો ભય હતો એ જ થયું! ગુજરાતમાં અહીં દીપડાએ મહિલા પર કર્યો હુમલો, છેલ્લા ઘણા સમયથી અનેક જિલ્લામાં છે ફફડાટ

Vishal Khamar

Last Updated: 02:21 PM, 7 January 2024

FOLLOW ON

શેર કરો

મહીસાગર જીલ્લાાનાં સંતરામપુર તાલુકાનાં ગ્રામ્ય વિસ્તારમાં દીપડાએ મહિલા પર હુમલો કરતા મહિલા ઘાયલ થઈ હતી. જે બાદ મહિલાને તાત્કાલીક સારવાર અર્થે દવાખાને ખસેડાઈ હતી.

સંતરામપુર તાલુકાનાં ગ્રામ્ય વિસ્તારમાં દીપડાનો હુમલો
ચિતવા પોડા ફળિયામાં મહિલા પર દીપડાનો હુમલો
મહિલાને ગંભીર ઈજાઓ થતા સંતરામપુર હૉસ્પિટલ ખાતે ખસેડાઇ

મહીસાગર જીલ્લાનાં સંતરામપુરામાં દીપડાનો આતંક વધી રહ્યો છે. ત્યારે આજે સવારના સુમારે અચાનક જ દીપડાએ સંતરામપુર તાલુકાનાં ચિતવા પોડા ફળિયામાં રહેતી મહિલા પર હુમલો કરતા મહિલા દોડીને પશુ બાંધેલી જગ્યા પર જતી રહી હતી. ત્યારે દીપડાએ મહિલા પર હુમલો કરતા મહિલાને મોઢા તેમજ કપાળનાં ભાગે ગંભીર ઈજાઓ થવા પામી હતી. ત્યારે મહિલાએ બુમાબુમ કરતા ઘરનાં સભ્યો તેમજ સ્થાનિકો આવી જતા દીપડો ફરાર થઈ જવા પામ્યો હતો. મહિલાને તાત્કાલિક સારવાર અર્થે સંતરામપુર હોસ્પિટલ ખસેડાઈ હતી.

ફોરેસ્ટ વિભાગ દ્વારા દીપડાને પકડવાની તજવીજ હાથ ધરી
આ બાબતે ગ્રામજનો દ્વારા સંતરામપુર ફોરેસ્ટ વિભાગને જાણ કરતા ફોરેસ્ટનાં કર્મચારીઓ ઘટનાં સ્થળે તાત્કાલીક દોડી આવ્યા હતા. તેમજ દીપડાને પકડવા માટેની તજવીજ હાથ ધરી હતી. ફોરેસ્ટનાં કર્મચારીઓ દ્વારા દીપડો જે દિશામાં ગયો હતો. તે તરફ તપાસ હાથ ધરી હતી.

સંકળાયેલા મુદ્દાઓ

Deepdo Mahisagar Santrampur woman injured દીપડો ફોરેસ્ટ વિભાગ મહિલા ઘાયલ મહીસાગર Mahisagar