બિઝનેસ / બનવું છે બિગ બીના પડોશી? તો તૈયાર થઇ જાઓ, 'જલસા'ની બાજુના જ બંગલાની થશે હરાજી, જાણો કિંમત

મુંબઈમાં બોલિવુડ સ્ટાર અમિતાભ બચ્ચનના બંગલા જલસાના બાજુમાં હાજર બંગલાની હરાજી થવાની છે. ડોએચે બેંકે આ બંગલાની હજારી કરી છે અને તેની રિઝર્વ પ્રાઈસ 25 કરોડ રૂપિયા છે. આ બંગલાનો કારપેટ એરિયા 1,164 વર્ગ ફૂટ છે. જ્યારે ઓપન સ્પેસ 2,175 વર્ગ ફૂટ છે. ડોએચે બેંકની તરફથી જાહેર પબ્લિક નોટિસ અનુસાર આ હરાજી 27 માર્ચે થવાની છે. 

બંગલાની હરાજી સિક્યોરિટાઈઝેશન એન્ડ રીકંસ્ટ્રક્શન ઓફ આઈનાન્શિયલ એસેટ્સ એન્ડ એંફોર્સમેન્ટ ઓફ સિક્યોરિટી ઈન્ટરેસ્ટ એક્ટ હેઠળ કરવામાં આવી રહી છે. પબ્લિક નોટિસ અનુસાર બેંકે એપ્રિલ 2022માં ડિમાન્ટ નોટિસ મોકલી હતી. જેમાં તેણે પોતાના બોરોઅર સેવન સ્ટાર સેટેલાઈટ પ્રાઈવેટ લિમિટેડ અને અન્યને 60 દિવસની અંદર 12.89 કરોડ રૂપિયાની બાકી રકમની ચુકવણી કરવા માટે કહ્યું હતું. 

વધુ વાંચો: JNUમાં દેખાડાઇ 'Bastar-The Naxal Story', દરમ્યાન એવું શું બન્યું કે મચ્યો હોબાળો

બેંકે પોતાની પબ્લિક નોટિસમાં કહ્યું છે કે બોરોઅર અને કો-બોરોઅર બાકી રકમની ચુકવણી કરવામાં અસફળ રહ્યાં. એટલે તેમણે આ પ્રોપર્ટીને પોતાના કબજામાં કરી લીધી છે જે તેમની પાસે ગીરવી હતી. આ પ્રોપર્ટી માટે ઓક્શન 27 માર્ચે થશે અને તેના માટે રિઝર્વ પ્રાઈઝ 25 કરોડ રૂપિયા છે. આ વિશે પુછવામાં આવ્યું તો સેવન સ્ટાર સેટેલાઈટ પ્રાઈવેટ લિમિટેડના મેનેજિંગ ડાયરેક્ટર અતુલ સર્રાફે કંઈ પણ કહેવાનો ઈનકાર કરી દીધો. કારણ કે આ મામલો કોર્ટમાં ચાલી રહ્યો છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો