શિક્ષણનીતિ / સરકાર પર શિક્ષણનું ભગવાકરણ કરવાનો આરોપ: તો એમા ખોટું શું છે ? ઉપરાષ્ટ્રપતિએ શિક્ષણને લઈને કહી આ વાત

• ઉપરાષ્ટ્રપતિએ ભગવાકરણને લઈને કહી આ વાત
• અંગ્રેજી ભાષાને આપણાં પર થોપવાનો આરોપ
• આપણી ભાષા, આપણી પરંપરા પર ભાર આપ્યો

મોદી સરકાર પર શિક્ષણનું ભગવાકરણ કરવાનો આરોપ છે, પણ ભગવામાં શું ખોટું છે ? ઉપરાષ્ટ્રપતિ વેંકૈયા નાયડૂએ શનિવારે દેશમાંથી મેકોલે શિક્ષણ સિસ્ટમને ફગાવી દેવાનું આહ્વાન કર્યું હતું. ઉપરાષ્ટ્રપતિએ દેવ સંસ્કૃતિ વિશ્વ વિદ્યાલયમાં કહ્યુ કે, ભારતીયોએ પોતાના ઔપનિવેશિક માનસિકતા છોડી દેવી જોઈએ અને પોતાના ભારતીય ઓળખ પર ગર્વ કરવાનું શિખવું જોઈએ. શિક્ષણ પ્રણાલીનું ભારતીયકરણ ભારતની નવી શિક્ષણ નીતિનું કેન્દ્ર છે. જે માતૃભાષાને પ્રોત્સાહન આપવા પર ભાર આપે છે. 

અંગ્રેજીને આપણા માથે થોપી દીધી

આઝાદીના 75 વર્ષમાં મૈકોલે શિક્ષણ સિસ્ટમને ફગાવાનું આહ્વાન કરતા ઉપરાષ્ટ્રપતિ એમ વેંકૈયા નાયડૂએ કહ્યું કે, તેને દેશમાં શિક્ષણના માધ્યમના રૂપમાં એક વિદેશી ભાષા થોપી દીધી અને શિક્ષણને અભિજાત વર્ગ સુધી મર્યાદિત કરી દીધું. તેમણે કહ્યું કે, સદીયોથી ઔપનિવેશિક શાસને આપણને ખુદને એક નિન્મ જાતિ તરીકે દર્શાવ્યા. આપણે આપણી સંસ્કૃતિ, પરંપરાગત જ્ઞાનનો તિરસ્કાર કરવાનું શિખવાડવામાં આવ્યું. તેને એક રાષ્ટ્ર તરીકે આપણા વિકાસને ધીમો કરી દીધો. આપણા શિક્ષણના માધ્યન તરીકે એક વિદેશી ભાષાને લાગૂ કરવાથી શિક્ષણ સીમિત થઈ ગયું. સમાજનો એક નાનો એવો વર્ગ શિક્ષણના અધિકારથી એક મોટી વસ્તીને વંચિત કરી દીધી.

થોમસ બબિંગટન મેકોલે એક બ્રિટિશ ઈતિહાસકાર હતા, જેમણે ભારતમાં શિક્ષણના માધ્યમ તરીકે અંગ્રેજીની શરૂઆતમાં એક મહત્વની ભૂમિકા ભજવી હતી.