India-Canada Relations / આખરે જસ્ટિન ટ્રુડો ઈચ્છે છે શું? ફરીવાર કર્યો ભારતને ઉશ્કેરવાનો પ્રયાસ, X પર કરી વિવાદાસ્પદ પોસ્ટ

• કેનેડાના વડાપ્રધાન જસ્ટિન ટ્રુડો સતત આપી રહ્યા છે ભારતને ઉશ્કેરતા નિવેદનો 
• UAEના રાષ્ટ્રપતિ સાથે ભારતના મુદ્દાને લઈ કરી ચર્ચા 
• કેનેડાના વડાપ્રધાન જસ્ટિન ટ્રુડો ટ્વિટર પર આપી માહિતી 

India-Canada Relations : કેનેડાના વડાપ્રધાન જસ્ટિન ટ્રુડો સતત ભારતને ઉશ્કેરતા નિવેદનો આપી રહ્યા છે. આવામાં ફરી એકવાર ભારતને ઉશ્કેરવાનો પ્રયાસ કરવામાં આવ્યો છે. ટ્રુડોએ ટ્વિટર પર એક પોસ્ટમાં જણાવ્યું હતું કે, તેમણે UAEના રાષ્ટ્રપતિ મોહમ્મદ બિન ઝાયેદ સાથે ભારતના મુદ્દા અને કાયદાના શાસનને જાળવી રાખવા અને તેનું સન્માન કરવાના મહત્વ પર ચર્ચા કરી હતી. તેમણે લખ્યું કે, આજે ફોન પર રાષ્ટ્રપતિ મોહમ્મદ બિન ઝાયેદ અને મેં ઈઝરાયેલની વર્તમાન પરિસ્થિતિ વિશે વાત કરી. અમે અમારી ઊંડી ચિંતા વ્યક્ત કરી અને નાગરિકોના જીવનની સુરક્ષા કરવાની જરૂરિયાત અંગે ચર્ચા કરી. અમે ભારતને સમર્થન આપવા અને કાયદાના શાસનનું સન્માન કરવાના મહત્વ વિશે પણ વાત કરી.

નિવેદનમાં જણાવાયું છે કે, તેઓ (ઋષિ સુનક) પરિસ્થિતિમાં ઘટાડો જોવાની અપેક્ષા રાખે છે અને આગામી પગલાઓ પર વડાપ્રધાન ટ્રુડો સાથે સંપર્કમાં રહેવા સંમત થયા છે.  સુનકે યુકેની સ્થિતિને પણ સમર્થન આપ્યું હતું કે, તમામ દેશોએ રાજદ્વારી સંબંધો પર વિયેના કન્વેન્શનના સિદ્ધાંતો સહિત સાર્વભૌમત્વ અને કાયદાના શાસનનું સન્માન કરવું જોઈએ. આ દરમિયાન ટ્રુડોએ ભારતમાં કેનેડિયન રાજદ્વારીઓ સાથે જોડાયેલી સ્થિતિ અંગે અપડેટ પણ આપી હતી.

નોંધનીય છે કે, જસ્ટિન ટ્રુડોએ ભારત પર કેનેડામાં આતંકવાદી હરદીપ સિંહ નિજ્જરની હત્યા કરવાનો આરોપ લગાવ્યો હતો. તેણે કહ્યું કે આ હત્યા પાછળ એક ભારતીય એજન્ટનો હાથ છે. જોકે ભારતે આ આરોપને સંપૂર્ણપણે ફગાવી દીધો છે. ભારતે કેનેડા પાસેથી આ અંગે પુરાવા પણ માંગ્યા છે પરંતુ કેનેડા હજુ સુધી કોઈ પુરાવા આપી શક્યું નથી. આ તણાવ બાદ ભારત તરફથી કડક પગલા લેવામાં આવ્યા હતા. ભારતે આગળના આદેશ સુધી કેનેડા માટે વિઝા સેવાઓ સ્થગિત કરી દીધી છે.  કેનેડાની એમ્બેસીના સ્ટાફને પણ ભારત છોડી દેવાનો આદેશ આપવામાં આવ્યો છે.