હવામાન અપડેટ / વરસાદ લાવશે કડકડતી ઠંડી, શિયાળાના આગમન સાથે આ રાજ્યમાં વાવાઝોડાની આગાહી!

આ વર્ષે ઠંડી થોડી મોડી આવશે એવું લાગી રહ્યું છે કારણ કે દિવાળી અને છઠ જેવા મોટા તહેવારો વીતી ગયા છે, પરંતુ હજુ પણ મોટા ભાગના સ્થળોએ લોકોએ ગરમ કપડાં બહાર કઢાવાની જરૂર પડી નથી. હવામાન વિભાગનું કહેવું છે કે મોટાભાગના રાજ્યો એ હજુ થોડા દિવસો રાહ જોવી પડશે, પરંતુ પહાડી વિસ્તારોમાં ઠંડી ચોક્કસ વધી ગઈ છે.

શુક્રવારે દક્ષિણ કેરળના ઘણા ભાગોમાં ભારે વરસાદ પછી, ભારતીય હવામાન વિભાગ (IMD) એ રાજ્યના ત્રણ જિલ્લાઓ માટે 'ઓરેન્જ' ચેતવણી જારી કરી છે. IMDએ તિરુવનંતપુરમ, કોલ્લમ અને પથાનમથિટ્ટા જિલ્લાઓ માટે 'ઓરેન્જ' એલર્ટ જારી કર્યું છે.

સાથે જ કેરળ, નાગાલેન્ડ, મણિપુર, મિઝોરમ, સિક્કિમ, આસામ, મેઘાલય, અરુણાચલ પ્રદેશમાં પણ હળવોથી મધ્યમ વરસાદ પડી શકે છે. આ રાજ્યોમાં વરસાદની અસર દેશના બાકીના ભાગોમાં ઠંડીના રૂપમાં જોવા મળી શકે છે.

વધુ વાંચો: VIDEO : લાલકૃષ્ણ અડવાણીના ઘેર પહોંચ્યાં PM મોદી, 97મા જન્મદિવસના આપ્યાં અભિનંદન

ગુજરાતની વાત કરીએ તો અત્યારે ગુજરાતમાં મિશ્ર હવામાન ચાલી રહ્યું છે. બપોરે ગરમી હોય છે જ્યારે રાત્રે અને સવારે ઠંડી હોય છે. હવામાન વિભાગનું માનવું છે કે, આગામી 4-5 દિવસ સુધી હવામાનમાં કોઈ મોટા ફેરફારની કોઈ શક્યતા નથી. IMD અનુસાર 15 નવેમ્બર પછી ધુમ્મસ વધશે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ