બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અમદાવાદના સમાચાર / અન્ય જિલ્લા / ગાંધીનગરના સમાચાર / આજે ગુજરાતના આ વિસ્તારોને ઘમરોળશે મેઘરાજા, જાણો હવામાનની લેટેસ્ટ આગાહી
6 ફોટો ગેલેરી
Last Updated: 10:29 AM, 6 June 2026
FOLLOW ON
શેર કરો
1/6
દેશભરમાં ભીષણ ગરમી અને ઉકળાટ વચ્ચે જેની રાહ જોવાઈ રહી છે તે દક્ષિણ-પશ્ચિમ ચોમાસું આખરે ભારતના દરવાજે પહોંચી ગયું છે. ભારતીય હવામાન વિભાગ (IMD)ના જણાવ્યા મુજબ ચોમાસાએ કેરળમાં સત્તાવાર પ્રવેશ કરી દીધો છે અને હવે ધીમે ધીમે દેશના અન્ય વિસ્તારો તરફ આગળ વધી રહ્યું છે. જોકે આ વર્ષે ચોમાસાનું આગમન સામાન્ય સમય કરતાં લગભગ ત્રણ દિવસ મોડું નોંધાયું છે.
આ તસવીર શેર કરો
2/6
ચોમાસાની પ્રગતિની વાત કરીએ તો તે હાલમાં કેરળ ઉપરાંત કર્ણાટક, તમિલનાડુના કેટલાક વિસ્તારો, લક્ષદ્વીપ તથા અરબી સમુદ્ર અને બંગાળની ખાડીના વિવિધ ભાગોમાં સક્રિય બન્યું છે. દક્ષિણ ભારતના અનેક વિસ્તારોમાં વરસાદી માહોલ જામ્યો છે અને આગામી દિવસોમાં વરસાદની ગતિવિધિઓ વધુ તેજ બનવાની શક્યતા છે.
આ તસવીર શેર કરો
3/6
હવામાન નિષ્ણાતોના અંદાજ મુજબ ગુજરાતમાં ચોમાસાની એન્ટ્રી 20 જૂનની આસપાસ થઈ શકે છે. દક્ષિણ ગુજરાતમાં સૌથી પહેલા ચોમાસાનું આગમન થવાની સંભાવના છે, જ્યારે ઉત્તર અને મધ્ય ગુજરાત સુધી પહોંચતા થોડો વધુ સમય લાગી શકે છે. જો હવામાન પરિસ્થિતિ અનુકૂળ રહેશે તો જૂનના અંતિમ સપ્તાહ દરમિયાન રાજ્યના મોટાભાગના વિસ્તારોમાં ચોમાસું સક્રિય થઈ શકે છે.
આ તસવીર શેર કરો
4/6
હવામાન વિભાગે આજે રાજ્યના કેટલાક જિલ્લાઓમાં ગાજવીજ સાથે હળવાથી મધ્યમ વરસાદની સંભાવના વ્યક્ત કરી છે. જેમાં સૌરાષ્ટ્રના જિલ્લાઓની વાત કરીએ તો ગીર સોમનાથ, અમરેલી અને ભાવનગરમાં વરસાદ પડી શકે છે. આ સાથે દક્ષિણ ગુજરાતમાં સુરત, તાપી, નવસારી, ડાંગ, વલસાડ, દમણ, દાદરા અને નગર હવેલીમાંમાં વરસાદ પડી શકે છે. આ સાથે અનેક વિસ્તારોમાં છૂટાછવાયા સ્થળોએ વરસાદી ઝાપટાં સાથે વીજળી પડવાની અને પવન ફૂંકાવાની શક્યતા છે.
આ તસવીર શેર કરો
5/6
વિગતો મુજબ ગોવા અને તેલંગાણા : 7થી 8 જૂન, મહારાષ્ટ્ર : 5થી 10 જૂન, મધ્યપ્રદેશ : 15થી 20 જૂન, પૂર્વ ઉત્તર પ્રદેશ અને બિહાર : 15થી 20 જૂન. મધ્ય ઉત્તર પ્રદેશ : 20થી 25 જૂન, રાજસ્થાન : 25થી 30 જૂન અને દિલ્હી-એનસીઆર : જૂનના અંત સુધી ચોમાસાની એન્ટ્રી થઈ શકે છે.
આ તસવીર શેર કરો
6/6
IMD અનુસાર કેરળ અને કર્ણાટકમાં આગામી એક સપ્તાહ દરમિયાન ભારે વરસાદની શક્યતા છે. તમિલનાડુના કેટલાક વિસ્તારોમાં પણ ભારે વરસાદ પડી શકે છે. ઉત્તર-પૂર્વ ભારતના રાજ્યોમાં આગામી પાંચથી છ દિવસ દરમિયાન ભારેથી અતિ ભારે વરસાદની આગાહી કરવામાં આવી છે. તે ઉપરાંત દેશના ઉત્તર-પશ્ચિમ, મધ્ય અને પૂર્વીય ભાગો સહિત દક્ષિણ ભારતના અનેક વિસ્તારોમાં 50થી 60 કિલોમીટર પ્રતિ કલાકની ઝડપે પવન ફૂંકાવા, ગાજવીજ અને વાવાઝોડા જેવી પરિસ્થિતિ સર્જાઈ શકે છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
