VIDEO / ગાડીઓ તણાઇ, બ્રિજ ધરાશાયી, તો ક્યાંક ATM-મકાનો પત્તાની જેમ પાણીમાં ગરકાવ..., જુઓ હિમાચલમાં કુદરતે કેવી તબાહી મચાવી

Malay

Last Updated: 03:13 PM, 10 July 2023

FOLLOW ON

શેર કરો

હિમાચલ પ્રદેશના વિવિધ વિસ્તારોમાં વરસાદને કારણે જે દ્રશ્ય જોવા મળી રહ્યું છે તે ડરામણું છે. ક્યાંક રોડ ધોવાઈ ગયો છે તો ક્યાંક મકાનો ધરાશાયી થયા છે. અહીં પહાડ પરથી તૂટેલા વૃક્ષો શહેરની બજારમાં આવી ગયા છે, પાણીના જોરદાર પ્રવાહને કારણે સર્વત્ર સ્થિતિ વણસી ગઈ છે.

હિમાચલ પ્રદેશમાં વાદળ ફાટવાને કારણે તબાહી સર્જાઈ
પહાડો અને નદીઓમાંથી પાણી નીકળીને શહેરી વિસ્તારોમાં પ્રવેશ્યું
હિમાચલ પ્રદેશમાં ભારે વરસાદને કારણે સેંકડો લિંક રોડ બંધ

હિમાચલ પ્રદેશમાં ભારે વરસાદે હાહાકાર મચાવ્યો છે. વિગતો મુજબ અહીં છેલ્લા 48 કલાકથી વરસાદનો તાંડવ જોવા મળી રહ્યો છે. હિમાચલની લગભગ તમામ નદીઓએ ઉગ્ર સ્વરૂપ ધારણ કરી લીધું છે. બિયાસ નદીએ કુલ્લુથી માંડી સુધી તબાહી મચાવી છે. ભારે વરસાદને કારણે 4 નેશનલ હાઈવે સહિત 800થી વધુ રસ્તાઓ બંધ છે. કુલ્લુથી મનાલી સુધીનો હાઇવે બંધ છે. અટલ ટનલની આગળ લેહ મનાલી હાઇવે બંધ છે. હિમાચલ પ્રદેશમાં ભારે વરસાદને કારણે સેંકડો લિંક રોડ બંધ છે.

સેંકડો પ્રવાસીઓ પહાડી વસ્તારોમાં અટવાયા
હિમાચલમાં છેલ્લા 24 કલાકમાં વરસાદને કારણે 8 લોકોના મોત થયા છે. ભારે વરસાદ અને હિમસ્ખલનને કારણે રસ્તા બંધ થતાં સેંકડો પ્રવાસીઓ પહાડી વિસ્તારોમાં અટવાઈ પડ્યા છે. મોટાભાગના પ્રવાસીઓ સપ્તાહના અંતે પહાડો પર ગયા હતા અને રવિવારે પરત ફરવાના હતા, પરંતુ ભારે વરસાદને કારણે પ્રવાસીઓના વાહનો રસ્તાઓ પર ફરી શક્યા ન હતા. મોટાભાગના વાહનો કુલ્લુ, મનાલી, મંડી અને અપર શિમલામાં ફસાયા છે.

જનજીવન પર માઠી અસર

હિમાચલપ્રદેશમાં આસમાની આફતે તબાહી સર્જી છે. હિમાચલપ્રદેશમાં જનજીવન પર માઠી અસર થઈ છે. હિમાચલપ્રદેશમાં તારાજીના ભયાનક વીડિયો સામે આવ્યા છે. મનાલીની બિયાસ નદીનું રૌદ્ર સ્વરૂપ જોવા મળી રહ્યું છે. પૂરના કારણે બિયાસ નદીકાંઠા પાસેનું બિલ્ડિંગ ધરાશાયી થયું છે. બિલ્ડિંગ ધરાશાયી થવાનો વીડિયો સામે આવ્યો છે.