તમારા કામનું / 100 વર્ષ સુધી જીવવું છે? તો આજથી જ ફૉલો કરો આ 5 ટિપ્સ, બૉડી રહેશે બિલકુલ હેલ્ધી

• પાંચ રીતની શારીરિક કસરત
• હ્રદય સ્વાસ્થ્યનું ધ્યાન રાખો 
• મગજને સુરક્ષિત રાખો 

તમારા ખાનપાનમાં સામાન્ય બદલાવ અને કસરત કરવાથી તમારું આયુષ્ય લાંબુ થઈ શકે છે. સ્વાસ્થ્ય નિષ્ણાંતોએ અમુક ટિપ્સ શેર કરી છે. જેને 20-30 વર્ષની ઉંમરથી કરવાનું શરૂ કરી દેવું જોઈએ. 

ખાનપાન 
એક અભ્યાસ મુજબ સામે આવ્યું છે કે ફળ, શાકભાજી, ઓલિવ ઓઇલ અને માછલીનાં ભરપૂર સેવનથી તમારી ઉંમર લાંબી થઈ શકે છે. આ વસ્તુઓનાં સેવનથી બ્લડ પ્રેશર, હ્રદય રોગ અને હાર્ટ અટેક જેવી સમસ્યાઓનું જોખમ ઘટી જાય છે. 

પાંચ રીતની શારીરિક કસરત 
તમારે આ પાંચ શારીરિક કસરત કરવી જોઈએ. જેમાં સ્ટ્રેન્થ ટ્રેનિંગ, કાર્ડિયો, મોબિલિટી, બોડી કમ્પોઝિશન અને ભાવનાત્મક સ્વાસ્થ્યને જરૂર ટ્રેન કરવું. એક અઠવાડિયાની અંદર ઓછામાં ઓછી 150 મિનિટ કસરત કરવી જોઈએ. 

હ્રદય સ્વાસ્થ્યનું ધ્યાન રાખો 
લાંબા સમય સુધી જીવવા માટે હ્રદયનાં સ્વાસ્થ્યનું ધ્યાન રાખવું જરૂરી છે. તેના માટે નિષ્ણાંત ધુમ્રપાન છોડવાની સલાહ આપે છે. આ સાથે કસરત કરો અને સીડીઓ ચડો. તેઓ દોડવાની સલાહ પણ આપતા હોય છે. 

મગજને સુરક્ષિત રાખો 
મગજની તંદુરસ્તી સુધારવામાં આવે તો સમગ્ર શરીરને ફાયદો થાય છે. તેના માટે લીલા શાકભાજીનું સેવન કરો. 

ખુશ રહો 
હમેશાં ખુશ રહો. તેનાથી સારા હોર્મોન્સ મુક્ત થાય છે. જેના કારણે લાંબુ જીવન જીવવામાં મદદ મળે છે. જો તમને ચિંતા હોય તો કોર્ટિસોલ હોર્મોન્સ બહાર આવે છે જે શરીરને વૃદ્ધ બનાવે છે.