AJAB GAJAB / VIDEO: જાપાનનું એક એવું અનોખું ગામ, જ્યાં ચારે બાજુ ઢિંગલા જોવા મળે છે

જાપાનની વસ્તી દર વર્ષે ઘટી રહી છે. એટલે કે અહીં માણસો ઓછા થઈ રહ્યો છે. એક રિપોર્ટ અનુસાર 2050 સુધીમાં આ દેશની વસ્તી 100 મિલિયનથી ઓછી થઈ જવાની સંભાવના છે. એવામાં જાપાનમાં એક એવું અનોખુ ગામ આવેલું છે જ્યાં લોકો કરતાં માણસો જેવા દેખાતા પૂતળાઓની સંખ્યા ઘણી વધુ છે. 

ટેકનોલોજીના મામલામાં આગળ રહેલા જાપાનના આ ગામમાં માનવ વસ્તી લુપ્ત થઈ રહી છે અને લગભગ આખા ગામમાં માત્ર વૃદ્ધો જ બચ્યા છે, યુવાનોની સંખ્યા ઓછી હોવાને કારણે આ ગામમાં 18 વર્ષથી કોઈ બાળકનો જન્મ થયો નથી. કહેવાય છે કે એક સમયે ગામની વસ્તી 300 હતી પરંતુ સમયની ગતિ સાથે લોકો પણ ગામ છોડીને જતા રહ્યા અને અત્યારે લગભગ 30 જેટલા લોકો જ આ ગામમાં રહે છે. આ ગામ જાપાનના શિકોકુ ટાપુ પર આવેલું છે જેનું નામ છે નાગોરો. 

અહીં પુતળાઓને સ્થાનિક ભાષામાં બિજુકા કહેવામાં આવે છે. લોકો જ્યારે આ ગામ નો પ્રવાસ કરે છે ત્યારે એમને બસ સ્ટોપ પર અને અન્ય જાહેર સ્થળોએ મુસાફરો જોવા મળે કે ન મળે પરંતુ આ બિજુકા જરૂરથી જોવા મળે છે. કહેવાય છે એક અહીં લગભગ 300થી 350 જેટલા પૂતળાઓ જોવા મળે છે અને ઘણી વખત પ્રવાસીઓ રાત્રે તેમને જોઈને ડરી પણ જાય છે.

આ ગામમાં આવી રીતે પૂતળા બનવાની આ કહાની બહુ જૂની નથી, તેની શરૂઆત માત્ર 10 વર્ષ પહેલાં થઈ હતી. કહેવાય છે કે એક સમયે આ ગામમાં સારી એવી વસ્તી હતી, પરંતુ ધીમે ધીમે લોકો કામની શોધમાં સ્થળાંતર કરવા લાગ્યા અને આખું ગામ ખાલી થવા લાગ્યું. જ્યારે ગામમાં માત્ર થોડા લોકો જ રહી ગયા તો અહીં રહેતા લોકોએ તેમની એકલતા દૂર કરવા માટે આ રસ્તો શોધી કાઢ્યો અને આખા ગામમાં વિવિધ સ્થળોએ પૂતળાં લગાવવાની શરૂઆત કરી.

વધુ વાંચો: VIDEO: એક એવું ગામ જ્યાં લોકોનું રસોડું તો ભારતમાં પણ બેડરૂમ બીજા દેશમાં છે

સૌથી પહેલું પૂતળું આ ગામમાં રહેતી અયાનો સુકિમી નામની મહિલાએ તેના પિતાના કપડામાંથી તૈયાર કર્યું હતું. આટલું જ નહીં ઓક્ટોબરના પહેલા રવિવારે અહીં એક ખાસ તહેવાર ઉજવવામાં આવે છે, જેમાં દૂર-દૂરથી લોકો આ પૂતળાઓ જોવા માટે આવે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો