AJAB GAJAB / VIDEO: એક એવું ગામ જ્યાં લોકોનું રસોડું તો ભારતમાં પણ બેડરૂમ બીજા દેશમાં છે

દેશના કેટલાક ગામોને તેમની ભૌગોલિક સ્થિતિને કારણે ભારતના છેલ્લા ગામડાંનો દરજ્જો મળ્યો છે, કારણ કે તે સરહદને અડીને આવેલા છે. જ્યાંથી આગળ ભારતની કોઈ જમીન નથી. ઉત્તરાખંડથી લઈને ઉત્તર પૂર્વ ભારત સુધીના પર્વતીય રાજ્યોમાં તમને આવા ગામો જોવા મળશે. આમાંથી એક ગામ છે લોંગવા, જે અડધું ભારતમાં તો અડધું મ્યાનમારમાં આવેલું છે. આ ગામ ભારતના છેલ્લા ગામ તરીકે પણ ઓળખાય છે.

નાગાલેન્ડમાં આવેલ આ અનોખું ગામ બે દેશો વચ્ચે આવેલું છે અને આશ્ચર્યની વાત એ છે કે અહીં લોકોના ખેતરો અને ઘરો પણ અલગ અલગ બે દેશોમાં આવેલા છે. એક દેશમાં ઘર છે તો બીજા દેશમાં રસોડું આવેલ છે. રસપ્રદ વાત એ છે આ ગામના લોકોને સરહદ પાર કરવા માટે કોઈ વિઝાની જરૂર નથી પડતી અને ત્યાં રહેતા લોકો બંને દેશોમાં આરામથી ફરી શકે છે. કારણ કે ભારત અને મ્યાનમાર વચ્ચે આ માટે કરાર થયેલા છે.

મ્યાનમાર સરહદને અડીને આવેલા નાગાલેન્ડમાં આવેલું ભારતનું આ છેલ્લું ગામ લોંગવા ગાઢ જંગલોની વચ્ચે આવેલ છે અને આ ગામમાં કોન્યાક આદિવાસીઓ રહે છે. આ જનજાતિને હેડહંટર પણ કહેવામાં આવે છે કારણ કે કોન્યાક આદિવાસીઓના સદીઓથી દુશ્મનનો શિરચ્છેદ કરવાની પરંપરા ચાલી રહી હતી. જો કે 1960 પછીથી આ પ્રથા ધીમે ધીમે નાબૂદ કરવામાં આવી છે. 

કોન્યાક લોકો તેમના ચહેરા અને શરીરના અન્ય ભાગો પર ટેટૂ બનાવે છે જેથી તેઓ પોતાને અન્ય જાતિઓથી અલગ બતાવી શકે અને અહીં નાગામીસે ભાષા અહીં બોલાય છે, જે નાગા અને આસામી ભાષાઓનું મિશ્રણ છે.

વધુ વાંચો: Rajasthanનું અનોખુ મંદિર, જ્યાં થાય છે બુલેટની પૂજા અને પ્રસાદ તરીકે ચઢાવવામાં આવે છે દારૂ

એવું કહેવાય છે કે આ ગામના વડા અને જનજાતિના પ્રમુખના ઘરમાંથી ભારત અને મ્યાનમારની સરહદ પસાર થાય છે અને તેઓ ભારતમાં જમે છે અને મ્યાનમારમાં સૂવે છે. સાથે જ એવું પણ જાણવા મળ્યું છે કે અહીંના પ્રમુખ કે રાજાને 'અંઘ' કહેવામાં આવે છે જેની 60 પત્નીઓ છે. તે પોતાના ગામ ઉપરાંત મ્યાનમાર, નાગાલેન્ડ અને અરુણાચલ પ્રદેશના 100 ગામોના પ્રમુખ પણ છે. 

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો