હપ્તાખોરીનો આરોપ / '65-70 હજારનો હપ્તો આપવો પડે છે..'સુરેન્દ્રનગરમાં ખનીજચોર અને જાગૃત નાગરિકની ઓડિયો ક્લિપ વાયરલ

સુરેન્દ્રનગર જિલ્લામાં ખનીજચોરી અને હપ્તાખોરીના આક્ષેપો વચ્ચે એક ઓડિયો ક્લિપે હંગામો મચાવ્યો છે. સોશિયલ મીડિયામાં વોટ્સએપ, ઈન્સ્ટાગ્રામ અને ફેસબુક ગ્રુપમાં વાયરલ થઈ રહેલી આ ઓડિયો ક્લિપમાં ખનીજચોર અને એક જાગૃત નાગરિક વચ્ચેની વાતચીત સંભળાઈ રહી છે.

આ ક્લિપમાં દર મહિને ડમ્પર દીઠ પોલીસ અને ખાણ-ખનીજ વિભાગ દ્વારા હપ્તા લેવામાં આવતો હોવાનો ઉલ્લેખ કરવામાં આવ્યો છે. ઓડિયો ક્લિપમાં ચોટીલા SDM એચ.ટી. મકવાણાની બદલીની ચર્ચા પણ થતી હોવાનું સામે આવ્યું છે, જેને લઈને લોકોમાં વિવિધ પ્રકારની ચર્ચાઓ ચાલી રહી છે.

જો કે, વાયરલ થયેલી આ ઓડિયો ક્લિપ અંગે VTV News દ્વારા કોઈ સત્તાવાર પુષ્ટિ કરવામાં આવી નથી. ઓડિયો ક્લિપની વાસ્તવિકતા અને તેની પાછળનો તથ્ય જાણવા માટે સંબંધિત તંત્રોએ તપાસ શરૂ કરી છે.

આ ઘટનાએ જિલ્લામાં ફરી એકવાર ખનીજચોરીના મુદ્દાને લઈને ચિંતા વધારી છે અને સામાન્ય નાગરિકો વચ્ચે પણ સવાલો ઉઠ્યા છે કે શું ખનન ક્ષેત્રમાં વાસ્તવમાં આવા ગેરકાયદેસર ધંધા ચાલે છે?

આ પણ વાંચોઃ અમદાવાદમાં પત્નીએ પ્રેમી સાથે મળી પતિને પતાવ્યો, દ્રશ્યમ ફિલ્મ જેવું કાવતરું!, રસોડામાં દાટી સિમેન્ટ નાખીને કર્યું ફ્લોરિંગ

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ