બોલિવૂડ / PM મોદી બાદ હવે Bear Gryllsના શૉમાં જોવા મળશે બોલિવૂડનો આ ડેશીંગ અભિનેતા, જાણો ક્યાં શરૂ કરશે શૂટિંગ

• Bear Gryllsના શૉનું શરૂ થશે શૂટિંગ
• બોલિવૂડના વિક્કી કૌશલ લેશે ભાગ
• માલદીવમાં જલ્દી શરૂ કરશે શૂટિંગ 

અક્ષય કુમાર, રજનીકાંત, અજય દેવગણ અને પીએમ મોદી બાદ હવે બોલિવૂડ એક્ટર વિક્કી કૌશલ બિયર ગ્રિલ્સના શો ઈન ટૂ ધ વાઈલ્ડ વિદ બેયર ગ્રિલ્સમાં જોવા મળશે. મળતી માહિતી અનુસાર ઉરી- દ સર્જિકલ સ્ટ્રાઈક ફેમ વિક્કી કૌશલ હવે બેયર ગ્રિલ્સની સાથે એડવેન્ચર શોમાં સામેલ થશે. તેના માટે જલ્દી તેઓ શૂટિંગ શરૂ કરશે. ડિસ્કવરીના આ પોપ્યુલર શોમાં પહેલા પણ અનેક બોલિવૂડ સ્ટાર અને દેશના પીએમ મોદી પણ જોવા મળ્યા છે. હવે આ શૉનો ભાગ વિક્કી કૌશલ બનવા જઈ રહ્યા છે.  
 

અજય દેવગણે પણ માલદીવમાં કર્યું હતું શૂટિંગ
મળતી માહિતિ અનુસાર અજય દેવગણે માલદીવમાં આ શોનું શૂટિંગ કર્યું અને હવે વિક્કી કૌશલ પણ ત્યાં શૂટિંગ જલ્દી શરૂ કરશે. આ પહેલા તેની પહેલાના સીઝનમાં પીએમ મોદીએ પણ ભાગ લીધો હતો જે શો ઘણો હિટ રહ્યો હતો. પીએમ મોદીના શૉનું શૂટિંગ જિમ કૉર્બેટ નેશનલ પાર્કમાં કરાયું હતું. 
 

આ છે વિક્કી કૌશલના અપકમિંગ પ્રોજેક્ટ્સ
બેયર ગ્રિલ્સના શો સિવાય વિક્કી કૌશલની પાસે હાલમાં અનેક ફિલ્મો પણ છે. હાલમાં તેઓ સરદાર ઉદ્ધમ સિંહની બાયોપિકમાં જોવા મળવાના છે. તેમાં તેઓ ટાઈટલ રોલ પ્લે કરશે. ફિલ્મની રિલિઝ ડેટ પણ સામે આવી છે. તે 16 ઓક્ટોબરે રીલિઝ કરાશે. સરદાર ઉદ્ધમ સિંહ સિવાય તેઓ સૈમ બહાદુર નામની ફિલ્મમાં ખાસ રોલમાં જોવા મળશે. આખરી વખતે તેઓ ભૂતમાં જોવા મળ્યા હતા અને તેણે બોક્સ ઓફિસ પર સારું પ્રદર્શન કર્યું હતું. 
 

કેટરિના સાથે જોડાયેલું છે નામ
વિક્કી કૌશલ પોતાની ફિલ્મો અને શાનદાર એક્ટિંગની સાથે જાણીતા છે પણ સાથે તેઓ કેટરિના સાથેના સંબંધોને લઈને પણ ચર્ચામાં છે. જો કે આ ચર્ચાઓને લઈને કેટરિના કે વિક્કી કૌશલે કોઈ ખાસ ટિપ્પણી પણ આપી નથી.