વાસ્તુ / ઘરમાં મંદિર રાખવાના પણ હોય છે નિયમો, આ જગ્યાએ હશે તો મળશે અશુભ ફળ

• તમારા ઘરને ત્રણ મહિનાથી વધુ સમય સુધી ખાલી ન રાખો. ઘરના ભંડાર પણ ક્યારેય ખાલી ન રાખો. જો ક્યાંય જવું હોય તો ક્યારેય પૂજા ઘરમાં તાળુ લગાવીને ન જાવ.
• જો મકાન વર્ષોથી ખાલી પડ્યું હોય તો વાસ્તુ શાંતિ કરાવ્યા બાદ તેનો ઉપયોગ કરો.
• વાસ્તુને અનુસાર ઘરનું મંદિર કિચનમાં ન હોવુ જોઇએ.
• ઘરના મંદિરમા ભગવાન શ્રીગણેશ અને માં લક્ષ્મીની મૂર્તિને ક્યારેય ઉભી ન રાખો. ભગવાનની મૂર્તિ બેઠેલી જ હોવી જોઇએ. પૂજા સ્થળ અંધારામાં ન રાખો
• ઇશાન ખૂણામાં પૂજાઘર હોય તો સતત પોઝિટીવ ઊર્જા આવતી રહે છે. વાસ્તુની માન્યતા મુજબ ઇશ્વરીય શક્તિ ઇશાન ખૂણામાંથી પ્રવેશ કરે છે અને નૈઋત્ય ખૂણામાંથી બહાર નીકળે છે. જો આ શક્ય ન હોય તો મંદિર પશ્ચિમ દિશામાં બનાવવુ જોઇએ, પરંતુ દક્ષિણ દિશામા મંદિર ક્યારેય ન બનાવવું જોઇએ.
• પૂજા કરનાર વ્યક્તિનું મુખ પશ્ચિમ દિશામા હોય તો તે ઉત્તમ માનવામાં આવે છે. મંદિર સીડીઓની નીચે ન બનાવવું જોઇએ.
• ટોઇલેટ કે બાથરૂમની બાજુમાં પણ મંદિર ન બનાવવું જોઇએ નહીં અશુભ ફળ મળી શકે છે. બેડરૂમ કે બેઝમેન્ટ પણ પૂજા ઘર માટે યોગ્ય જગ્યા નથી.  
• જો મંદિર લાકડાનું હોય તો તેને ઘરની દિવાલ સાથે અડાડીને ન રાખવું. પૂજા ઘરમાં દેવતાઓની દ્રષ્ટિ એકબીજા પર ન પડવી જોઇએ. 
• ઘરના મંદિરમાં ગુંબજ કે કળશ ન બનાવવો જોઇએ. મંદિરની નીચે પૂજન સામગ્રી કે ધાર્મિક પુસ્તકો ન રાખવા જોઇએ. મંદિરમા રાખેલી ભગવાનની મૂર્તિઓનો ચહેરો કોઇ પણ વસ્તુથી ઢંકાયેલો ન હોવો જોઇએ. એક જ ઘરમાં એક કરતા વધુ મંદિર ન હોવા જોઇએ. ઘરમાં જ્યાં મંદિર બન્યુ હોય તે બાજુ પગ કરીને ન સૂવું જોઇએ. 
• રોજ સવાર સાંજ ઘરના મંદિરમાં દીવો અને અગરબત્તી કરવા જોઇએ. દીવો કરવાથી ઘરના વાસ્તુદોષ દૂર થાય છે. 

આલેખનઃ ભૂમિકા ત્રિવેદી