વલસાડ / નદીમાં ઝંપલાવી યુવતીનો આપઘાતનો પ્રયાસ, સ્થાનિકોએ કર્યું દિલધડક રેસ્ક્યૂ, જુઓ વીડિયો

વલસાડ તાલુકાનાં અતુલ નજીક પાર નદીના જૂના પુલ પરથી એક સગીરા યુવતીએ નદીમાં છલાંગ લગાવી હતી. ત્યારે નદીમાં પાણીનો પ્રવાહ વધુ હોઈ યુવતી તણાય તે પહેલા નદી કિનારે ઉભેલા તરવૈયાઓ દ્વારા તેને બચાવી લેવામાં આવી હતી.

તરવૈયાઓએ યુવતીને બચાવી

મળતી માહિતી મુજબ વલસાડનાં પારડીમાં પાર નદીમાં એક યુવતીએ આપઘાતનો પ્રયાસ કર્યો હતો. ત્યારે યુવતી દ્વારા પુલ પર થોડો સમય ઉભા રહ્યા બાદ અચાનક જ નદીમાં છલાંગ લગાવી હતી. ત્યારે આ સમગ્ર ઘટનાની જાણ તરવૈયાઓને થતા તેઓ તાત્કાલીક દોડી આવ્યા હતા. અને યુવતીને બચાવવાનો પ્રયત્ન હાથ ધર્યો હતો. મહામહેનતે તરવૈયાઓ દ્વારા યુવતીને બહાર કાઢવામાં આવી હતી.

વધુ વાંચોઃ નર્સિંગ સ્ટાફ ભરતી વિવાદમાં મહત્વના સમાચાર, ABCD પેટન્ટવાળી આન્સર કીમાં કોઈ ફેરફાર નહીં

વીડિયો સોશિયલ મીડિયામાં વાયરલ થયો

ચંદ્રપુરનાં તરવૈયાઓએ સાડીની મદદથી યુવતીને બચાવવાનો પ્રયાસ કર્યો હતો. જે બાદ યુવતી દ્વારા સાડીનો છેડો પકડી લીધો હતો. જે બાદ મહા મહેનતે યુવતીને નદીમાંથી બહાર કાઢી તેનાં ઘરે સલામત રીતે મોકલવામાં આવી હતી. આ સમગ્ર ઘટનાનો કોઈએ વીડિયો બનાવ્યો હતો. જે વીડિયો બે દિવસ બાદ સોશિયલ મીડિયામાં વાયરલ થયો હતો. વીડિયોનાં આધારે વલસાડ રૂરલ પોલીસ દ્વારા સમગ્ર મામલે તપાસ શરૂ કરી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ